ХАБАРЛАНДЫРУ!!!

       Құрметті ата-аналар!!! Жаңа оқу жылына дайындық аясында облыс мектептерінде әртүрлі санаттағы балаларға материалдық көмек көрсету жұмыстары басталды. “Жалпыға бірдей білім беру” қоры атаулы әлеуметтік көмек алатын балаларға, сондай-ақ жан басына шаққандағы табысы төмен, ең төменгі күнкөріс деңгейінен төмен отбасылардағы балаларға қолдау көрсетеді. Бұл көмек жетім балалар мен ата-анасының қамқорлығынсыз қалған балаларға, сондай-ақ төтенше жағдайға тап болған және басқа да мұқтаж мектеп оқушыларына да қатысты.

    Ақшалай қаражат ата-аналарға балалармен бірге мектеп формасын, аяқ киімді, кеңсе тауарларын және басқа да қажетті заттарды өз бетінше таңдауға мүмкіндік беру мақсатында карточкалық шотқа аударылады. Бұл отбасыларға қажетті оқу құралдарын сатып алуға және балаларды оқу жылының сәтті өтуі үшін қажетті заттардың бәрімен қамтамасыз етуге мүмкіндік береді.

     Материалдық көмек алу үшін мектепке өтінішпен жүгіну қажет. Өтініш Қамқоршылық кеңеспен қаралатын болады. Көмек көрсету туралы шешім отбасылық жағдайды талдағаннан кейін қабылданады. Биыл ағымдағы жылға ақшалай көмектің мөлшері 40567 теңгені құрайды. Бұл қаражаттың мақсатты пайдаланылуын қамтамасыз ету үшін ата-аналар 15 күн ішінде оқу құралдарын сатып алу туралы есеп беруі керек. Шығындарды растау үшін чектер немесе түбіртектер қажет болуы мүмкін.

   Атаулы әлеуметтік көмек алу үшін Egov.kz электрондық үкімет порталы мен қосымшасыарқылы анықтама ала аласыздар. Ондай мүмкіндік болмаған жағдайда  Бұқар жырау 51/4 көшесінде орналасқан «Әдеуметтік қорғау» бөлімене барып толық ақпарат ала аласыздар және көпбалалы ата – аналар үшін «Шаңырақ» орталығы сіздерге көмек көрсете алады.  Мекен жайы Мұқанов көшесі, 3үй.