Бүгін,11 мамыр күні, мектебімізде қалалық білім бөлімінің ұсынысымен құрылған «Зияткерлік модернизация-21»  жобасы аясындағы «Зияткер тұлға-белсенді тұлға» атты семинар өтті.

Жоба мақсаты

Үздіксіз білім алу арқылы болашағын болжай алатын, рухани құндылықты игерген бәсекеге қабілетті көшбасшы тұлға қалыптастыру

Миссия

Өзгермелі өмірде өмір бойы білім алуға икемді,адами құндылықтарды бойына сіңірген,шығармашыл,белсенді тұлға тәрбиелеу.

Семинарды мектеп директорының міндетін атқарушы Е.А.Жуматаев ашты.

Семинарға келген мектеп басшылары мен мұғалімдерді ҚББ ӘК меңгерушісі Т.Р.Байжигитова «Зияткерлік модернизация-21»  жобасының негізгі мақсат –міндеттерімен таныстырып өтті.

Семинар барысында «Ойталқы» жобасы аясында 2,7 және 3,8 сыныптардың ұйымдастыруымен «Қоянның құлағы неге ұзын» және «Жақсылық пен жамандық»  атты қойылым- талқы сахналанды. Бұл жобаның ерекшелігі бастауыш сынып оқушыларына орта буын оқушыларының қамқорлығы. Оқыған кітаптарын талдауға, өмірмен байланыстыруға бағыттауы және сахналық қойылымдарды дайындауға көмек қолдарын созуы,бірлесіп жұмыс атқаруы болып табылады.

«Мейірімділік -жан айнасы» атты  ЕББ қажет ететін оқушыларды қолдау мақсатында  «Q-Talks» ұйымдастырылды 

«Менің кіші Отаным»жобасы аясында 4-сынып оқушылары Пришахтинск елді мекенінде өсетін өсімдіктер туралы мәлімет жинап жоба қорғаса, 8-9 сынып оқушылары жинақталған мәліметтер бойынша ақпарат берді.

Ұлы тұлғалар іс-әрекетінен үлгі ала отырып, азаматтық келбетті қалыптастыру, Отансүйгіштік, елге адал қызмет ету, білімге құмарлық, еңбекті сүю қасиеттерін бойға сіңіру арқылы зияткер тұлға қалыптастыру бағытында мектеп түлектерімен бірлесе отырып жұмыс жасау жобаның негізгі ерекшелікіктерінің бірі.

      Осы жоба аясында «Мен кім?, «Ол кім?», «Біз кімбіз!» атты танымдық бағдарлама оқушылардың өзін тануына, ұлы тұлғалар іс-әрекетінен үлгі алуға және бүгінгі таңдағы өзекті мәселелерге өз көзқарастарын білдіруге негіз болады.Жобаға 8-11 сынып оқушылары мен мектеп түлектері тартылған.

«Гидропоника» жобасы аясында  топырақсыз өсімдіктерді өсіруде  теориялық  білім мен практикалық дағды  арқылы  білім алушыларды,іскерлікке баулумақсатымен 9-10 сынып оқушылары жоба жұмыстарын қорғады.

«SUPER әже» жобасы аясында«Нағыз әже қайда?» атты шеберлік сабағы өтті. Шеберлік сабақ бүгінгі өмірмен байланыстырылып, сахналанды.

Wonderfest»шетелге саяхат жобасында «The Happy Prince”, «Three little pigs”, «Teremok» қойылымдары 2-7 сынып оқушыларының қатысуымен іске асты.

«Алтын ине»жобасы аясында 8-сынып оқушылары мен семинарға қатысушы мұғалімдерімен білесе отырып, шеберлік сабағы өтті.

«Дебат жобасы» аясында «Ахмет Байтұрсынұлы» атындағы және «Ж.Ташенов»  атындағы мектеп оқушыларымен  "Бұл палата ата-аналар балаларының мүдделерін өз мүдделерінен жоғары қоюы керек деп есептейді» атты тақырыпта пікірсайыс өткізілді.

Семинар соңында «Маған ұнаған үздік жоба», «Себебі», «Семинар бойынша ұсынысым» атты тақырып төңірегінде пікіралмасу арқылы кері байланыс жүргізілді.