Қалалық білім бөлімінің жылдық жоспарына сәйкес 2023 жылдың 16 наурызында мектебімізде  «Алғашқы әскери дайындық» пәнінен қалалық олимпиада өтті. Олимпиада 2 кезеңді қамтыды. Әр мектептен 1 ұл бала,1 қыз бала бақтарын сынады. Олимпиада салтанатты жиынмен ашылды. Жиынды мектеп директорының міндетін атқарушы Е.А.Жуматаев ашып беріп, қалалық білім бөлімінің методисі О.А. Ульбрихт ханымға сөз берілді. О.А.Ульбрихт олимпиада ережесімен және төрешілер құрамымен таныстырып, оқушыларға сәттілік тіледі.1-теориялық бөлімде алғашқы әскери дайындық пәнінен тест тапсырды. 2-практикалық бөлімде оқушылар пневматикалық мылтық арқылы мергендіктерін сынады және қаруын уақытқа шашып-жинаудан шапшаңдықтарын танытты. Олимпиададан оқушылар мол тәжірибе жинақтап қайтты. Олимпиаданың жоғары деңгейде өтуіне «Алғашқы әскери дайындық» мұғалімі Н.А.Мурсалов үлкен жауапкершілік танытты.