Мектебімізде 2-7 қыркүйек аралығында оқушылар арасында «Отбасы» күніне арналған бірнеше іс-шаралар өтті. Атап өтетін болсақ, 01.09.2013ж ҚР Президентінің «Қазақстан 2050» стратегиясына байланысты «бір ел-бір мемлекет-бір тағдыр» тақырыбында 1-11сыныптар аралығында сынып сағаттары өткізілді. 02.09.2013 ж  5-6 сыныптар арасында «Отбасы» күніне арналған тиматикалық стент және мектеп кітапханасында көрме ұйымдастырылып көпшіліктің көңілінен шықты. Оқушыларды отбасы мүшелерін сыйлауға, отбасындағы қарым-қатынасты берік ұстауға тәрбиелеу мақсатында 02.09.2013 ж  5-11 сыныптар арасында  «Отбасылық құндылық», «Отбасы-мәңгі сенің жадыңда» тақырыбында сынып сағаттары өтті. 03.09.2013ж «Менің отбасым» тақырыбында сурет әлемі болып өтті. Оқушылардың қызығушылықтарын оятқан сурет әлеміне оқушылар белсенді түрде ат салысты. 04.09.2013ж «Отбасы және отбасы құндылығы» деп аталатын шығармашылық байқауда 9-10 сынып оқушылары өздерінің шығармашылық қабілеттерін дамыта түсті. 06.09.2013ж ата-аналармен бірлесіп «Бәріміз бірге» тақырыбында спорттық сайыстар жүргізіліп, балалар мен ата-аналар арасындағы қарым-қатынастың жоғары деңгейде екені байқалды.  Сайыс қатысушылар мен қоса көрерменедерді де қызықтыра білді. Сайыс жеңімпаздары өздерінің мықты екенін дәлелдеді. Сонымен қатар, ата-аналар мектеп психологтарынан жекеше түрде отбасындағы бала тәрбиесі туралы мәлімет алды.