Мектебімізде, математика мұғалімі марқұм Утемуратова Рапия Жалгасовнаның атына кабинет ашылды. Рапия Жалғасқызының еңбек өтілі-36 жыл.

Бүгінде Рапия Жалгасовнаның шәкірттері түрлі салада жұмыс жасап жатыр. Рапия Жалгасовна өз мамандығының шебері,бірнеше әдістемелік құралдардың авторы. «Стереометриядан 100 есеп» әдістемелік құралы -математика мамандары үшін таптырмас әдістемелік құрал.«Негізгі мектеп курсы бойынша сынақ тапсырмалары» атты еңбегі 2011 жылы жарық көрген. Бұл кітап тоғызыншы сынып оқушыларының бітіру емтиханына арналған. Емтиханда кездесетін тапсырмалардың қандай деңгейде орындалу қажеттілігі жазылған. Өзбекстанда жиырма бір жыл жұмыс жасап «Өзбекстан Халық Тәлімі үздігі» атағын иеленіп, орденмен марапатталған.

Осы мектепте қызмет жасаған жылдары да  зор құрметке ие болып бірнеше облыстық, қалалық мақтау қағаздары табысталып, Қарағанды қаласының әкімі Нұрлан Әубәкіров пен Қазақстан Республикасының Білім және Ғылым министірі Ерлан Сағадиевтің «Білім беру саласына үлес қосып, қоғамдық қызметі үшін» Құрмет грамоталарымен марапатталған.