Биыл Алаш ардақтысы, Ұлт ұстазы Ахмет Байтұрсынұлының туғанына 150жыл. Алаштың асыл перзентінің бұл жолғы мерейтойы ЮНЕСКО көлемінде тойланбақ. Осы шараға орай, "Бір ел-бір кітап" жобасы аясында, мектеп кітапханасында Ахмет Байтұрсынұлына арналған кітапханалық сабақ өткізіліп, ақынның өмірі, шығармашылығы жайында бейнеролик көрсетілді.
Оқушылар мектебіміздің кітапханасында арнайы жасалынған «Ұлттың ұлы ұстазы - Ахмет Байтұрсынұлы» тақырыбындағы көрмені тамашалап, өз қызығушылықтарын білдірді.
Сонымен қатар, 6-7 сынып оқушылары ақынның өлеңдерін мәнерлеп, жатқа айтып берді.
Өткізілген іс-шаралардың негізгі мақсаты: жыл бойы Ахмет Байтұрсынұлының өмірі мен шығармашылығын, халық үшін істеген игі істерін, ғылыми, әдеби, танымдық дүниелерін насихаттау, оқушылардың оқуға деген ықыласын көтеру.
