25.01.2021 ж күні  өзін-өзі тану мұғалімі Жунусбекова Мамила Нурмашевнаның ұйымдастыруымен 9 сыныптарда онлайн түрде «Мейірімді жүрек » тақырыбында өткізілген ашық тәрбие сағаты.

    Мейірімділік – ізгіліктің жолы. Жақсылық жасау дегеніміз адамдарға, айналаға, табиғатқа, қайырымдылық пен қамқорлық жасауды, көмек көрсетуді білдіреді. Адамдардың бір-біріне жиі жақсылық жасауы оларды жақындастырады, достастырады. Баланың бойына рухани-адамгершілік  қасиеттерді ұялату, жақсы-жаманды ажырата білуге, адамдық асыл қасиеттерді игеруге ықпал етеді. Осындай қасиеттерді бала бойына сіңіру мақсатында өзін-өзі тану мұғалімі Мамила Нурмашевнаның ұйымдастыруымен 9 сыныптарда онлайн түрде «Мейірімді жүрек » тақырыбында ашық тәрбие сағаты өтті. Арнайы бейнебаян көрсетіліп , талдау барысында оқушылар мейірімді адам қол ұшын беруге, жәрдем етуге, жанашырлық танытуға, көмек көрсетуге, қолдау жасауға әрдайым дайын тұратындығын және риясыз жақсылық жасау-биік адамгершіліктің белгісі екендігін жарыса айтып өз ойларын ата-аналарын ,туыстарын және басқа да тұлғаларды мысалға алып дәлелдеп жатты.

 Осындай іс-шаралар арқылы балалардың шығармашылық қиялын, ой-өрісін, есте сақтап, жүйелі ойлауын дамыта отырып, танымдық, мейрімділік қабілеттерін жетілдіреміз. Балаға жүрек жылуы қашанда қажет және ол ешқашанда артық болмайды.