Қазақ тілі – сұлулығымен бой балқытып, тамыр шымырлататын, жан жүйеңді жандырып, құлақ құрышын қандыратын, өткірлігімен қысылтаяң тұста ер мен елге бірдей медет беріп, адам түгіл жағдайдың өзінің аузына құм құятын ғажайып кемел тіл.

Бауыржан Момышұлы

 

Қазақ тілі – қазақ ұлтының мәдени тұтастығының басты қайнар көзі. Ғасырлар бойы солай болған, болашақта да солай бола береді.

Әлемде 2500-ден астам тіл бар. Адамдар үшін өмірдегі ең бағалы құндылықтардың бірі – ана тілі. Ана сүтімен дарыған тілдің қасиетін сөзбен айтып жеткізу мүмкін емес. Қаншама ақын-жазушыларымыз тіліміз үшін күресіп, тіл жайлы өлеңдер мен әңгімелер жазды.

Қыркүйек айының осы айтулы мерекесі тілдер күні. Мереке қарсаңында мектеп кітапханасында «Үш тұғырлы тіл» тақырыбында ерекше кітап көрмесі құрылды.

Кітап көрмесіне ана тілдің тарихы қойылды. Қазақ тілін паш ететін еңбектер мен шығармалар жинағы да кітап көрмесінен орын алды.

Тұңғыш Елбасы Н.Ә.Назарбаевтың 2014 жылға арналған қызметтер хроникасы еңбегі де тіл мәселесін ашып баяндайды.

Тіл біздің ең құнды – байлығымыз болып табылады. Тілді құрметтеу әр қазақстандықтардың міндеті.

Әр азаматқа ана тілін дамытуға үлес қосуға мүмкіндіктер де мол елімізде!

Менің ана  тілім – шексіз бай, шұрайлы, тегеуріні мықты тіл.

 

 

Мектеп кітапханашысы 

Мақпал Жанат