1 - наурыз елімізде жалпыхалықтық мереке – Алғыс айту күні. Бұл күні қазақстандықтар бір-біріне құрмет көрсетіп, ризашылығын білдіреді. Алғыс айту күні – қысылтаяң шақта бар ауыртпашылықты бірге көтеріп, мемлекет басшысының жетекшілігімен Тәуелсіз Қазақстан құру жолында аянбай тер төккен ел азаматтарының бір-біріне құрмет көрсету күні.

Алғыс айту күні – қазақстандық патриотизмнің, бірлік пен достықтың жарқын мерекесі. Қазақстан халқы бұл мейрамды алғаш рет 2016 жылы атап өтті. 2016 жылдың 14 қаңтарында Тұңғыш Президент Н. Назарбаев Қазақстан халқы Ассамблеясының құрылған күнін, яғни 1 - наурызды Алғыс айту күні етіп жариялады.

Көктемнің алғашқы күнімен тұспа-тұс келетін мерекеде Қазақстандағы өзге этнос өкілдері қиын-қыстау кезеңде құшақ жая қарсы алған кеңпейіл де қонақжай қазақ халқына алғыс айтады.

"Қазақстан халқы ассамблеясы құрылған күн, яғни 1- наурызды жыл сайын барлық этностың бір-біріне және мейірбандық танытып, ол адамдарды өз туғанындай қабылдаған қазақтарға алғыс айту күні ретінде атап өту әділетті болар еді. Бұл күн бізді бұрынғыдан да гөрі жақындастыра түспек. Бұл күн мейірімділіктің, бүкіл қазақстандықтардың бір-біріне деген достығы мен махаббатының жарқын мерекесі бола алар еді", - деген болатын Назарбаев Ассамблея сессиясында.

Осы ерекше көктемнің алғашқы мерекесі қарсаңында мектеп кітапханасында «Шын жүректен, мың алғыс» атты кітап көрмесі ұйымдастырылды.

Кітап көрмесін тамашалауға және көрмемен танысуға мектебіміздің 2, 5 сынып оқушылары қатысты. Кітап көрмесінің ерекшелігі оқушыларға жақсы көңіл күй сылайтын қызықты кітаптар мен журналдар қойылды.

Алғыс айту күні қарсаңына құрылған кітап көрмесіндегі материалдар оқушы мен кітап арасындағы махаббат отын маздатты.

Қазақстан – қазақ халқының ата-баба мекені, ежелгі қонысы. Еліміз өлшеусіз табиғат байлығымен ғана емес, ең алдымен сан түрлі ұлттардан құралған халқымен ерекше екенін ұмытпаған абзал. Бүгінгі бейбіт те шуақты күндерді бағалай отырып, жаңа биіктерде ұмтылу – біздің буынның бағыты болуы тиіс.

Кітапхана меңгерушісі

Мақпал Жанат