Мейірімділік дегеніміз не? Мейірімділік - ол адам бойына бітетін өте жақсы қасиет. Мейірімділік адамдарға жақсылық жасау, көмектесу, қамқор болу, адал дос болу деп түсінемін. Мейірімді болу әр адамның қолынан келе бермейді, мейірімді болу үшін адамдар жайлы жаман ойламау керек, әр адамға көмек сұрағанда көмектесу керек, қызғаншақ болмау керек және адамдар тез татуласа білу керек, әділ болу керек, өтірік, өсек айтпау қажет. Мейірімді болған адамның есесі өзіне қайта айналып келеді дегенді анам әрдайым айтып отырады. Сондықтан адам əрқашан жақсылық жасаудан, мейірімділік жасаудан тынбауы керек, себебі əрбір адам өзі істеген əр ісі үшін сауап алады. Мейірімділік тек қана адамдар мен адамдар арасында ғана емес, сонымен бірге адамдардың жануарлармен, табиғатпен қарым-қатынаста да байқалады. Әр адамның мейірімді де қайырымды болуы оның отбасындағы тәрбиесіне , өскен ортасына байланысты. Қазақ халқы - өте жомарт, мейірімді, кеңпейіл, қайырымды, данышпан халық. Қарт ата-анасын қарттар үйіне тапсырмаған.Тіпті жер бетінде жыбырлаған жәндік екеш жәндікке де қиянат жасамаған. Барлығы Алланың жаратылысы деп қараған, оған қатігездік көрсетуге қорыққан .Осының бәрі келешек ұрпаққа көрсетілген үлгі-өнеге емес пе ? Егер жер бетінде барлық адамдар бір-біріне мейірімді болып, ешкімнің ала жібін аттамаса,қорлық –зомбылық көрсетпесе жер бетін тек жақсылық жайламас па еді.

Қоғамға риясыз қызмет етуді насихаттауға және идеяны таратуға қоғамның назарын аудару, айналасындағы көмекке мұқтаж жандарға қайырымдылық істер және табиғатқа қамқорлық жасауға балаларды уәждейтін іс-шараларды ұйымдастыру мақсатында мектеп кітапханасында «Қазақстан -мейірімділік мекені» тақырыбында кітап көрмесі ұйымдастырылды.

Міндеттері:

·Балаларды айналасындағыларға мейірімді, қайырымды

қатынасқа тәрбиелеу қажеттілігіне кең қоғамның назарын аударту;

·Қазақстандық қоғамда мейірімділіктің және қоғамға риясыз

қызмет етудің мәртебесін бекіту;

·Балалардағы өзіне, айналасындағыларға деген жауапкершілік,

бауырмалдылық және рақымдылық сезімдерін дамыту;

·Балалардың игі істерге қатысуын және олардыңжасына және

мүмкіндігіне қарай қолдан келетін қайырымдылық істердің балалар

тарапынан жасалуын қамтамасыз ету;

·Балалардың шығармашылық қабілеттіліктерін анықтау үшін

қосымша мүмкіндіктерді ұсыну, оларды игі істерді ұйымдастыруға және

өткізуге белсенді түрде тарту.

Кітап көрмесіне мектеп оқушыларына арналған «Қазақстан балалар көзімен» атты кітабы қойылып, оқушылар көрме кітаптарымен толықтай танысты. Сонымен қатар, «бала жүзі - дала гүлі» журналы айдарындағы балаларға арналған әңгімелерді оқып, мейірімді балаболу жайында өз ойларын жеткізді.

Кітапхана меңгерушісі

Мақпал Жанат