«Бір отбасы – бір кітап» қалалық акциясын өткізу туралы іс-шара аясында мектебіміздің кітапханасының оқу залында «Абай – адамзаттың ұлы тұлғасы» тақырыбында кітап көрмесі ұйымдастырылып, қатысқан оқушыларға ұлы ақын Абай Құнанбайұлының кітаптары таныстырылды.

Кітап көрмесі екі бөлімнен тұрады. Бірінші бөлім ақынның шығармалары мен өлеңдері болса, екінші бөлімде ақын жайлы жазылған ой-пікірлер орналасты.

Сондай-ақ, мерзімді басылым берттерінде жарық көрген Абай Құнанбайұлының туғанына 175 жыл тақырыбында көптеген мақалалар қойылды.

5 сынып оқушылары қазақтың тұңғыш эпопеясы М.Әуезовтің «Абай жолы» романын талдады. «Абай жолының» бас кейіпкері - Абай. Біз ақын өмірінің елу жылына айғақ боламыз. Абайдың адам, азамат, ақын ретінде қалыптасуы сол жарты ғасыр ішіндегі қазақ қоғамының барлық саласындағы өмірдің барлық ойы-қыры, қия-қалтарысымен өріле суреттеледі. Абай арқылы өткен ғасырдың екінші жартысындағы және осы ғасырдың басындағы бүкіл халық тіршілігін, оның көп бұралаң тағдырын, ой-арманын, мақсат-мүддесін, күрес-тартысын... бәр-бәрін түгел шарлап өтеміз. «Халық» дегенде, бұл ұғымның негізінде ұлттың әдет-ғұрпы ғана емес, ұлттық рухы жататыны сөзсіз. Демек, «Абай жолында» кешегі қазақтардың тұрмысы, әдет-ғұрпы ғана емес, күллі рухы сайрап білініп тұр.