24 ақпан күні мектебіміздің кітапханасының оқу залында ақын, Қазақстанның халық жазушысы (1995),  ҚР Мемлекеттік сыйлығының иегері Қадыр Ғинаятұлы Мырзалиев туралы оқушыларға ақпарат беру сонымен қатар, ағымдағы жылы 85 жасқа толған мерейтойына арналған  «Поэзиялық жыр шашу» атты ақпараттық сағат өткізілді.

Ақпараттық сағатты «Қарағанды облыстық зағип және нашар көретін азаматтарға арналған арнайы кітапхана» қызметкері «Балауса» клуб аясында Айман Белгібайқызы өткізді.

«Қадыр – найзағайлы ақын. Дәуірдің, уақыттың өзі жаратқан өміршең ақын. Оның поэзиясы - өзіміз сүйіп отырған дәуір мінездес» деп ақиық ақын Мұқағали Мақатаев айтқандай, ақынның поэзиясы дүбірлі көштен еш уақытта қалған емес.

Оқушылар жазушы жайлы қызық ақпараттармен сусындай отырып, өлеңдерін мәнерлеп оқыды.

Сондай-ақ, оқушылар «»Өлең-өнер пернесі» тақырыбындағы кітап көрмесімен танысты.
«Қадыр Мырза Әли - ұлт ақыны. Қазақ деген тегі мықты, тарихы бай, тағдыры күрделі, түйсігі мың қатпар, қалтарысты, астарлы, тысты, алапат тілді, қабілетті қаһарман, қайсар халықтың тұңғиығына бойлап, кеңдігіне кепіл боп, бітімімен біте қайнасып, ұлылығын, рухын,ар-ұятын, үмітін барынша әспеттей отырып, кемшінің мінін,қайғысын, сорын азаматтық тұрғыда қазып айта алған, сыншыл да ойшыл ақын. Ұлы ақын»

Кітапхана меңгерушісі

Мақпал  Жанат