Мектеп кітапханасында желтоқсанның 4 жұлдызы күні қазақтың аса көрнекті ақыны, қазақ халқының “Үш бәйтерегінің бірі” – көп ұлтты кеңес әдебиетінің негізін салушы, Қазақстанның қоғамдық тарихында абыройлы орын алатын, революционер - коммунист Сәкен Сейфуллиннің туғанына 125 жыл толу мерейтойына орай «Қазақ әдебиетінің ақсұңқары» атты конференция өткізілді.
Шараның мақсаты:
Ұлағатты адамдардың өмірімен шығармашылық жолын оқушыларға таныстыру, азаматтық тұлғасын таныту. ауызша сөйлеу, көпшілік алдында сөйлей білу, есте сақтау қабілеттерін дамыту. Оқушыларды биік адамгершілікке, елжандыққа баулу. Оларды елінің тарихын біліп, болашағына еңбек етулеріне шақыру.
Конференцияда мектебіміздің үлгілі, озат оқушыларының бірі Сәйду Назлы мен Оспанова Мадина «Сәкен жене оның еңбектері» атты презентациясын оқушылардың назарына ұсына отырып, ақын жайындағы естелік тарихи сәттерден сұрақтар қойды.
Сондай-ақ, мектебімізде жұмыс жасайтын актерлік шеберлікті дамыту сабағының оқушылары Сәкен Сейфуллиннің «Конференция» қойылымын көпшілік назарына көрсетті. Көріністен керемет әсер алып сол Сәкен кезеңінде болып қайтқандай болдық.
Кітапхана меңгерушісі шараға қатысушы ұстаздар мен оқушыларды «Сәкен мұрасы – халық қазынасы» атты кітап көрмесімен таныстырып, кітаптарға шолу жасады.
Ұлы тұлғаларды ұлықтау біздің басты міндетіміз болып табылады дп ойлаймын.
Қазақ халқының ұлттық әдебиетінің қалыптасуы мен елдің қоғамдық өмірінің дамуына үлкен үлес қосқан, өздерінің жазған түрлі тақырыптағы шығармаларымен адамдардың жаңа заманға сай, сауатты болуына, ой-өрісінің өсуіне ықпал еткен, елді оқуға, білім алуға шақырған, үшеуі де үш бәйтерек сынды қатар өсіп, туған елі үшін еткен еңбектерімен шырқау көкке көтерілген, халқының болашағына жол сілтеген асыл перзенттері, 1894-1938 жылдар аралығында қатар өмір сүрген Сәкен Сейфуллин, Бейімбет Майлин мен Ілияс Жансүгіровтер болды. Биылғы жылы «Үш бәйтерегіміздің» туғанына 125 – жыл толып отыр.
Сәкен, Бейімбет, Ілияс! Үшеуінің де жөргегі – ұланғайыр бір даланың топырағы. Біреуі – соның кіндік ортасында, біреуі теріскей, біреуі – күнгей шалғайында бір жыл туыпты. Үшеуі де бір жаздың майсасынан алғаш нәр татып, бір қыстың ызғарынан алғаш қар басыпты.
Үш бәйтерек.... Үшеуінің туысы қандай бірдей болса, тұрысы қандай әр бөлек. Біреуі – дәйім биікке талпынып, алға ұмтылған өр халықтың асыл арманындай асқақ, біреуі – талайды бастан кешіп, тауқыметке төзіп өскен қауымның сарқылмас сабырынан жаратылғандай сом, мығым. Біреуі – көпті көріп, көпті сүйген халықтың парасат – парқын, арман – аңсарын, мұқалмас жігерін кең қамтып, кемел сіңіргендей қуатты да нәрлі. Үшеуі де – халқы мен заманның ауыздарынан түсе қалғандай адал ұл.
Қазақ халқы «Үш бәйтерек» деп атап кеткен Ілияс Жансүгіров, Сәкен Сейфуллин, Бейімбет Майлин қазақ әдебиетіне айтулы ақын, қарымды қаламгер, дарынды драматург ретінде үлкен үлес қосты. Олардың қаламынан Қазақстанның дарқан даласы, өндіріс орындары мен еңбек адамдарының іс - әрекеттері, өмірге деген құштарлықтары, болашаққа үміт – сенімдері кеңінен көрінеді.
Шара соында ұстаздар өз пікірлерін білдіре отырып, осындай игі іс шаралардың алдағы уақытта көп болғанын тілейтін оқушылар керемет әсермен тарқасты.
Кітапхана меңгерушісі
Мақпал Жанат
Contacts