Кітапхана – руханияттың алтын ордасы ғой. Күнделікті білім нәрімен сусындау үшін 2019-2020 оқу жылының күзгі каникул кезінде балалардың сауықтыру демалысын және бос уақытын тиімді ұйымдастыру жоспары аясында, мектебіміздің 5-6 сынып оқушылары мен кітапхана меңгерушісі «Тарихи тұлғалар» тақырыбы бойынша Облыстық Абай атындағы балалар кітапханасына саяхат жасап қайтқан болатын.

Саяхаттап барған оқушылар Абай кітапханасында барлық келушілерге арналған бірқатар оқу залдарымен танысты.

Сондай-ақ, «Оқу залы». Мұнда кез-келген оқырман немесе қала қонақтары ұлы Абайдың шығармалары мен танысып, оқуына бар мүмкіндік жасалған. Тіпті арнайы оқу курстары мен семинар-тренингтер сабақ алуға болады. Залдың бір ерекшелігі 1929-1940 жж. аралығындағы латын графикасындағы кітаптар мен мерзімді басылымдар көрмесі оқырман назарына көрме нұсқасында ұсынылған.

Балалар кітапханашысы Зейкенова Жібек әр түрлі жастағы балаларға арналған кітаптар мен ойын- алаңдарымен, кітапхананың ішімен, оның тыныс тіршілігімен таныстырып, әр бөлімнің атқаратын қызметіне тоқталып өтті. Және де бөлім меңгерушілері де өздерінің атқаратын қызметтерді жайлы мәліметтер берді.Саяхаттап келген оқушыларға кітапханашы

«Болашағы жарқын шежірелі Қарағанды қаласының 85 жыл» кітап көрмесі, «Ұшқыш Н.Әбдіровтің 100 жылдығына арналған» фотосуретті көрмесімен таныстырды.

Кітапханада үйірмелер және қызығушылық клубтары тұрақты түрде жұмыс жасайды екен. Олар «Шуақ» балалар шығармашылық студиясы, «Кел, қазақша сөйлейік!», «Абай жүрген ізбенен». Бұл аталған клубтарға қызығушылық танытып, қатысушы балалар өте көп екендігінде көрдік.

Кітапхана жұмыс барысында балалар кітапханаға жазылып, алдағы уақытта жаңа кітаптармен дос болуға келіп тұратындықтарын жеткізді.