Құрметті ұстаздар және ата-аналар!

Біздің мектеп Қарағанды облысының білім басқармасы, Әлеуметтік маңызды бастамаларды дамыту қоры  және Ресайклинг ТК  компаниялары  ұйымдастырған Eco Challange ауқымды экологиялық байқауына қатысуға мүмкіндік алды. Бұл шара барысында біз балаларымыздың экологиялық сауаттылығын арттыра аламыз және қаланы таза ұстауға үйрете отырып,  мектеп үшін пайдалы сыйлықтар ала аламыз.

Бізден не талап етіледі?

1. Үйде екінші қоқыс шелек немесе пакет қою;

2. 1-ші қоқыс шелегіне тамақ қалдықтарын, шай пакеттерін, жаялықтарды, гигиена құралдарын және дәретхана қағазын, ал 2-ші қоқыс шелегіне - қағаз бен картон, пластик пен полиэтилен, шыны, металл қалдықтары, сүт өнімдері мен шырын тетрапакеттерін жинауға болады. Бұл қаптаманы қоқысқа тастар алдында қалдықтар аз орын алуы үшін нығыздау керек, сол кезде пакет баяу толады.

3. Жұмысқа, мектепке барарда өздеріңізбен бірге мектепке қайта өңделетін қалдықтары бар пакетті әкеліп,  мектеп жанындағы арнайы торға тастау керек;

4. Макулатура мен пластикті жинау бойынша қосымша мектеп байқауларына, сонымен қатар басқа да экологиялық шараларына, мектеп сайыстары мен жобаларына белсене қатысу.

Eco Challenge байқауы оқу жылының соңына дейін жалғасады. Оның қорытындысы бойынша ең көп екінші шикізатты қайта өңдеуге тапсырған 3 мектеп ғимараты немесе мектеп аумағын абаттандыруға гранттар алады. Мектеп үшін  әлеуметтік серіктестіктің арнайы сыйлығы- бассейн болады.

Бұл хабарды мектеп педагогтарына және  ата-аналарға жіберулеріңізді сұраймыз!