15 қыркйекте 7-8 «А» сыныбында отбасы күніне арналған «Менің отбасым» атты тәрбие сағаты өтті. Өткізген сынып жетекшісі: Ахметкожина А.Е.

Тәрбие сағатының мақсаты:
1) Отбасындағы қарым - қатынас мәдениеті туралы түсінік беру, бақытты жанұяның моделін дайындау;
2) Отбасы - Отанның бір бөлшегі екенін ұғындырып, оқушылардың бақытты жанұяға
деген қызығушылығын арттыру;
3) Жанұядағы сыйластыққа, адамгершілікке, инабаттылыққа, ынтымақ пен бірлікке, татулық пен ұйымшылдыққа тәрбиелеу. Үлкенді үлгі, кішіні мақтан етуге, отбасының бірлігін сақтап, жанұяның мақтаны болуға тәрбиелеу.

Тәрбие сағаты барысында  оқушыларға «отбасы»  сөзінің маңыздылығын айқындайтын бейнефильмдер көрсетіліп қана қоймай, әр түрлі отбасылық сұрақтар мен мәселелерге жауап іздеу, түсіндіру сияқты логикалық ойындар ойнатылды. Оқушылар орта буынды жаста болғандарымен бұл тақырыпты толық аша білді және де барлық шараларға белсене қатысты. Отбасының адам өмірінде алатын орны мен рөлін дұрыс ажырата алатындай дәрежеге жетті.