5 наурыз күні 6-8 «А» сыныбында  «Ана – өміршырағы»тақырыбында тәрбие сағаты өтті. Сынып жетекшісі – ағылшын тілі пән мұғалімі Ахметкожина А.Е. Тәрбие сағатының мақсаты: оқушыларға ата – ана алдындағы парыз бен қарыздары туралы түсінік беру. Мейірімділікке, сый – құрметке тәрбиелеу, ұлтқа тән жақсы қасиеттерді қалыптастыру. Тәрбие сағатына оқушылардың аналары, әйел мұғалімдер және директордың тәрбие ісі жөніндегі орынбасары шақырылды. Оқушылар аналарына арнап ән айтып, би билеп қана қоймай, аналарын келе жатқан 8 наурыз - Халықаралық әйелдер күні мерекесімен құттықтап, өздерінің тілектерін айтты, сонымен қатар аналарына деген махаббаты, аналардың алдындағы парыздары туралы ойларымен еркін бөлісе білді. Тәрбие сағаты қызықты және тартымды өтті.