Қарағанды қаласының білім бөлімінің ұйымдастыруымен қаңтар айының 31 жұлдызында №6 жалпы білім беретін орта мектебінде «Жыр жаздым жүрегімнен...» атты III қалалық ұстаздар арасында ақындар мүшәйрасы өтті. Мүшәйраның мақсаты – Қазақстан Республикасының «Білім туралы», ҚР «Тіл туралы» Заңдарын және Абай Құнанбайұлының 175 жылдық мерейтойы қарсаңында ақынның шығармашылық мұрасын насихаттау, өлең құдіреті арқылы тіл мәртебесін көтеру. Аталмыш байқауға №134 негізгі мектебінің қазақ тілі мен әдебиеті пәнінің мұғалімі Хумарбек Ербұлан Ауезұлы қатысып жүлделі 2 орынды иеленді. Ербұлан Ауезұлын жеңісімен құттықтай отырып, шығармашылық табыстар тілейміз.