Қарағанды қаласының  білім беру ұйымдарында 'Өнегелі өмір' атты жетістік пен табысқа жеткен адамдармен кездесу  жобасы аясында N30 орта мектепте  Е.А.Бөкетов  атындағы ҚарМУ оқытушысы,филология  ғылымының кандидаты, доцент,айтыскер ақын Жұмағұлов Айтбай Ботпайұлымен кездесу болды.Ақын,ғалым өз өмір жолын қарапайым еңбектен бастап, жоғары оқу орнын ойдағыдай аяқтап қазіргі таңда өзі оқыған оқу ордасында табысты еңбек етіп жатқаны туралы айтты.Айтбай Ботпайұлы қазақ өнерінің ішіндегі айтыс өнерін дамытуда да қажырлы еңбек жасап жатқаны барша қазақ еліне мәлім.Айтыскер ақын Арқаның айтыс өнер мектебін ұйымдастырып,шәкірт дайындап,аламан жарысқа ақындар тәрбиелеудегі еңбегі бір төбе.Ғалым,ақынның Қарағанды жерінің дамуына қосқан үлесіндегі табысқа жету тарихы мектеп оқушыларына рухани сабақ болды.Жетістік пен табысқа жеткен іс-тәжірибесі  мен бейнесі жас ұрпаққа патриоттық тәлім мен болашағын бағдарлауға кәсіби үлгі болғаны анық.Кездесуде оқушылар орамды сұрақтарына жауап алды және ғалым білім ошағына өзінің кітабын сыйлады.Кездесу  соңында ақын мектепке арнап арнауын орындап берді.
--