Отбасы мен мектеп ынтымақтастығын нығайтып, қоғамда бәсекеге қабілетті, әлеуметтік белсенді тұлға қалыптастыру мақсатында  2014  жылдың  12 желтоқсанында  Қарағанды қаласы білім бөлімі мен М.Жұмабаев атындағы  №39 гимназия ұжымының ұйымдастыруымен  Қарағанды қаласының 80 жылдығына  орай  «Мектеп. Отбасы. Мемлекет»атты Халықаралық ғылыми - тәжірибелік конференция өтті.Конференцияға қалалық,  облыстық,  республикалық,  халықаралық деңгейдегі қоғамдық ұйымдардың өкілдері,  жоғары  оқу   орындары, колледждер, орта білім беру мекемесінің басшылары мен педагогтары, ата - аналар  және БАҚ өкілдері қатысты. Конференция  жұмысы барысында, онлайн  режимінде, ата-аналарды  мектеп  өміріне  белсенді түрде  қатыстыруға  бағытталған шаралардың тұтас жүйесі: қамқоршылық кеңесінің, ата-аналар қауымдастығының, ата-аналар «Шырақ» университетінің жұмысын жандандыру негізінде практикалық  алаңдар жұмыс  жасап,  пленарлық отырыс өткізіліп, кеңейтілген  секциялық мәжілістер жоспарланды.

             Келген  қонақтарды  гимназиямыздың   «Шолпан» үлгілі би ансамблінің мүшелері қарсы алды. Келген қонақтар тіркелгеннен кейін бірден мәжіліс залына  бет алды.

         Пленарлық отырыс сағат 10.00 де басталды. Отырыс модераторы, гимназия директоры Ж.Базыл президиум мүшелері мен алыстан келген қонақтармен әрі алқалық мәжілісте баяндама жасаушылармен таныстырды.  Алғашқы құттықтау сөз  Қарағанды қаласы білім бөлімінің басшысы  Дулат Шайкенұлы Жекебаевқа берілді. 

       Құттықтау сөзден кейін гимназия басшысы Базыл Жанкелді Сағынтайұлы  «Тұлғаны өзгелермен бірлесіп өмір сүруге үйрету»,   Қырғыз Республикасы, Жоғары білім беру мектебі, Назарбаев Университетінен  профессор Дюшенкул Шаматов  «Использование  стратегии  Кооперативного  Изучения (cooperative learning)  для  воспитания  и  обучения  учащихся» ,Қарағанды қаласы Отбасылық тәрбие институтының директоры  Куленова Салтанат Жумабаевна «Практические меры по повышения качества семейного воспитания в казахстанских семьях - многоуровневый подход» , «Жеке тұлғаның қалыптасуындағы отбасы рөлі» тақырыбында Моңғолия, Баян -Өлгий аймағы, Өлгий қаласынан ЛәззатДуанбайқызы интернет желісі арқылы байланысқа шықты, Литва Республикасы, Вильнюс университеті, профессор  Вайва Хендриксон «Мозговые коммуникации», Канада мемлекеті, шетелдік директор орынбасары  Дженнифер Тесоро  «Оқу бала көзімен» атты баяндамалар жасады.  

     Алқалық мәжіліс жұмысына ҚХР Шынжан, Үрімші қаласы, Шынжаң халық  радио станциясының тілшісі, ақын Сәулет Сатанұлы, Үндістан, Мумбай қаласы, Қарағанды мемлекеттік медициналық университетінің студенті- Ядав Джетин, Жоғары білім беру мектебі, Назарбаев Университеті,PhD студенті  Марсело Хорхе Лопез Лара,  Жоғары білім беру мектебі, Назарбаев Университетінен Гүлдана Ахметова, ф.ғ.д. Қарағанды мемлекеттік университеті филология факультетінің профессоры Рахимов Берік Серікбайұлы, «Өрлеу» БАҰО акционерлік қоғамының Қарағанды бойынша филиалдық аға оқытушысы Смагулова Ғазиза Ғабдоллаевна, Алматы қаласы, Мағжан Жұмабаев атындағы №137 мектеп-гимназия мұғалімдері, Шымкент қаласы, Мағжан Жұмабаев атындағы №39 орта мектебінің   ұстаздары, Қарағанды  қаласы  мектептерінің  директорлары, облыс, қала мектептерінің  мұғалімдері  қатысты. 

 Қатысушылар I қабаттағы көрмеге бет алды. Онда ата - аналар  мен  оқушылардың қолдан жасалған қолөнер бұйымдары, қыз балалардың кесте  оюлары, әшекей бұйымдары, түрлі тақырыптарға салынған картиналарды тамашалады. Мектеп ұстаздарының әдістемелік құралдары, «Мағжан тағылымы I, II, III» жинақтары , баспа бетіне шыққан ұжым әрі оқушылардың мақалалары, мектепте шығарылған  «Ілім», «Мектеп тынысы» газеттерінің басылымдары да осы көрмеге орналастырылды. Мұражай ішіндегі киіз үй, ақын Мағжанға арналған шығармашылық стенд,мектеп тарихынан келтірілген ұстаздары мен бітірген түлектері жайлы 3 тілде: қазақ ,орыс, ағылшын тілдерінде оқушылар келген қонақтарға баяндап берді.

     Қонақтар практикалық алаңдарға бет алды. Сағат 12.00 де I алаң- 212 кабинетте «Баланың бас ұстазы-ата-ана» атты коучингті  Мыкышева М.Е мен Алиева А.М  өткізді.  Коучинг мақсаты: Ата - ананың бала тәрбиелеудегі отбасылық дәстүрлері бойынша ой бөлісе отырып, мектеп пен отбасы арасындағы ынтымақтастықты нығайту. Коучинг төмендегідей бөлімдерге бөлінді: Ұйымдастыру кезеңінде ата-аналармен жұмыс бастамас бұрын барлықтарын ортаға шақырып, столдың үстіндегі қалаған түсті бауы бар бейджик пен сол бейджик бауының түсіне сай жүрекшелерді алуды  ұсынып, барлығы  ортақ  шеңбер  жасап, бір –бірлеріне тілек білдірді.  Ой шақыру кезеңінде  « Бір ауыз сөз барлық арманды көкке ұшырады» атты шағын бейнефильм көрсетіліп, бейнефильм бойынша топтар ортақ пікірге келіп, әр топ бойынша бір ата-анадан өз ойын жеткізіп отырды.  «Басымдықтың пирамидасы» стратегиясында «Бала тәрбиесіндегі әр түрлі орталардың рөлі» деген тақырыпта ой бөлісуге шақырып, өз ойларын постерге түсіріп, қорғауларын түсіндірді.  Сергіту сәтінде  үлкен жұмыстан кейін барлығын сергіп алуға шақырды. Ол үшін алдарына берілген парақшаларды оқып, ондағы берілген тапсырмаларды шапшаң орындауды ұсынды.Жағдаяттан шығу бөлімінде қазіргі заман-жаhандану заманы.Ғылым мен техниканың қарқынды дамыған заманы,дамудың бұл қарқыны баланың жан-жақты дамуына  оң және теріс әсерін тигізіп жатқаны жайлы айтып кетіп, барлығын бір сәтке экранға назар аудартып, өз пікірлерін отырған топтардың атауына сай білдіру керектігін айтып кетті. «Ойыңмен бөліс» стратегиясында  әр топтың  алдында өз тобының түсіне сай шар тұрғанын сол шарды жарып ішіндегі жасырылған сұрақтарды алып ортақ пікір білдірді.   «Бала тәрбиесі» атты  шағын бейнекөрсетілді,  рефлексия бөлімінде әр топ өз атауына сай «Баланы тұлға етіп қалыптастырудағы рөлі» жайлы өз пікірлерін жазғаннан кейін , фигураларын магнитті тақтаға жапсырып, бала бейнесін құрастырды.

       II алаң – II қабат фойесінде«Отбасы - Отанның ұйтқысы, қоғамның берік қорғаны» атты  «Шырақ»  ата-аналар университетінің  ашық отырысы өткізілді. Оған жауапты модератор Құттыбаева Л.Қ. Мақсаты: отбасы тәрбиесінде ата - ананың балаға тәрбиелік ықпалын арттыру, тәрбиелік ықпалының ерекшелігін ашу, тәрбие мен мейірімнің ең тамаша ортасы- отбасы екендігін, ата-ана үшін баладан артық байлық жоқ екендігін бағалай білуін жетілдіру.  Гимназияның  тарих  пәнінің  мұғалімі   Кошикова С.Қ  «Отбасы - Отанның ұйытқысы, қоғамның берік қорғаны»  атты баяндама оқыды.  «Ситуациялық жағдаяттар» ата –ана көзімен топтық жұмыс ұйымдастырылып, жағдаятты қорытындылау  барысында  қызықты сұрақтар қойылды. Құттыбаева Л.Қ «Маржан сөздер»  сайысы бойынша «Аяқталмаған сөйлем әдісі» әрі шығармашылық жұмыстар жасалды. Онда қанатты сөздердің алғашқы бөлігі айтылады да, жалғасын топтағы  ата-аналар жалғастырды. Бұдан кейін психолог Кулахметова А.Б  «Психологиялық сәт» кезеңін жүргізді. Университет ректоры Құттыбаева Л.Қ отырыс жұмысын қорытындылады.

      III алаң – 201 кабинетте Нұржанова Ш.Ө  мен  Кошанова М.Қ«Мықты отбасы –мықты мемлекет» атты тақырыбында психологиялық бағытта практикалық семинар -  тренинг жүргізді. Семинар-тренингке мектеп ата-аналары, оқушылар және де ұстаздар қатысты. Семинар – тренинг отбасымен мектеп ынтымақтастығының берік іргетасын қалау, адам бойындағы құндылықтарды бағалай білуге үйрету мақсатында жүргізілді. Семинар тренинг  барысында отбасындағы әкенің, ананың рөлі, бала мен ұстаздың алатын орны жайында бейнекөрсетілімдер көрсетілді. Сондай-ақ сынып жетекші, оқушы мен ата-аналардың ортақ байланыстыратын қасиеттер мен мінез-құлықтарындағы ұқсастықтарды табу мақсатында «Ұқсастық» атты ойындар жүргізілді. Мектеппен байланысты «Есте қалған ең қызықты оқиға» жаттығуы да жүргізілді. Әр топ мектепте және отбасында болған қызықты оқиғаларын айтып, бастарынан кешкен қызықтарымен бөлісіп тамашалады. Ата - аналар, ұстаздар және оқушылар бір – бірлеріне жылы лебіздерін білдіріп, семинар-тренингтің барысында белсенділік танытып, ерекше ат салыса қатысты. Соңынан рефлексия жүргізілді. Рефлексия барысында тренингтен алған әсерлерімен бөлісіп, алғыстарын білдірді. Алғыс хаттармен марапатталды. Сонымен қатар, Мексика елінің өкілі Марсело Хорхе Лопез Лара мектебімізге алғысын білдіріп, бірнеше сауалдар қойды. Сондай – ақ Қырғыз, Литва жерінен келген қонақтарымызда өз алғыстарын білдіріп жатты. Практикалық алаңдар жұмысына қатысқан қонақтар барлық шарада ыстық лебіздерін білдіріп, ойларын ортаға салды. Алдағы уақыттағы жұмыстарына шығармашылық табыстар тіледі.

        Түскі астан кейін сағат 14.00 де 311 кабинетте  Сұраған О мен Монтаева А.Қ   «Мағжан педагогикасы және  ұлттық тәлім – тәрбие», 204 кабинетте  Көрікбаева Ж.Х, Бейсямбекова Т.М, Ботақанова М.Т «Жеке тұлғаның дамуындағы отбасы рөлі» , 304 кабинетте Кусаинова Н.Ж, Жыланбаева Қ.Н,  Мыкышева М.Е «Жаhандану кезеңі және тәрбие» секцияларының жұмысын жемісті жүргізе білді. Секцияда белгіленген адамдар презентация арқылы көрсетіп, өз баяндамаларын мазмұнды әрі тартымды етіп, қатысушыларға ұсынды. Мазмұнды баяндамалар қалалық білім бөлімінің грамотасы мен алғыс хаттарына ұсынылды.

     Мәжіліс залында сағат 15.00  де гимназия директоры Ж.Базыл конференция жұмысының қорытындысын жасап, қаулысы ұсынылды.

        Сағат 15.20  да  Өмірбаева Д.М  мен Альжанова М.Ж ұйымдастыруымен «Мектебім – үйім,  отбасым - алтын бесігім» атты әдеби-сазды  кеш өтті.

      Кеш Сәкен Сейфуллин атындағы қазақ драма театрының  XIV облыстық театрлар фестивалінің жүлдегері , қалалық «Театр ғажайып әлем» фестивалінің бас жүлде иегері, гимназиямыздың театр ұжымының Төлен Әбдіковтың  «Қонақтар» шығармасына сахналаған қойылымымен ашылды.

        Біздің мектебіміздің тыныс-тіршілігіне жарық беріп жүрген жұлдызымыз, Мағжан мектебінің атағын аспандатып, қазақ биін шет елдерге тәнті еткен, «Шолпан»  би ансамблінің  бишілері  мың бұралып, билерімен тамсандырды . Отанның келешек үміттері, жарқын болашағы, бастауыш сынып оқушылары мәнерлеп өлең оқыды.

     Жас бүлдіршініміз Бекен Айым сахна төріне тыңдаушыларға  жағымды әсер сыйлайтын, қасиетті аспап жетігенмен ән, Облыстық байқаулардың жеңімпазы , Франция мемлекетінде өткен «Хрустальная лира» байқауының  I орын  жүлдегері, «Әнші балапан» байқауының  «Сымбат-сүйкім» номинациясының жеңімпазы, патриоттық әндер байқауының II орын иегері, әнші  қызымыз  Кеңесбек Бота  «Әгугәй»  әнін орындап,көрермен көңілін бір көтеріп тастады. Жыр өлкесіне қалам тартып, ақындық өнерге құлай ғашық болған жас буын, М.Жұмабаевтың 120 жылдығына арналған қалалық жыр мүшәйрасының жеңімпазы, Республикалық айтыстың 70 жылдығы мен  «Қазақстан- Қарағанды»  телеарнасының  55 жылдығына  арналған  ақындар айтысының халық ақыны Көшен Елеуов атындағы арнайы жүлде иегері  Ғалым Арғын мен «Махамбет», «Мұқағали», «Оралхан» оқуларының жүлдегері, гимназия театрының актері, «Бота» атты жас ақындар ұйымының мүшесі Алихан Нығметолла өз шығармашылықтарымен ортаға шықты.

        Гимназиямыздың мұғалімі М.Ж.Альжанованың сөзіне жазылған «»Жаса,Мағжан мектебі» әнін Жанкелді Жұмаш шырқады.

           Кеш соңында гимназия директоры   конференцияға қатысушыларға , алыстан келген қонақтарға  ыстық ықыласын білдіріп, мазмұнды баяндама жасаған әрі белсене қатысушыларға грамота мен алғыс хаттарды табыстады.

      Шет елден және алыстан келген қонақтар конференцияның жоғары деңгейде ұйымдастырылып, әрі жан-жақты өткізілгені,  болашақта да гимназияның өсіп өркендеуіне, ұстаздарының жұмысына шығармашылық табыстар тілеп  қайтты.