М.Жұмабаев атындағы №39 гимназиясында 8-10 сыныптар  арасында «Жігіт сұлтаны-2014» болып өтті. Байқауында сол бір Әмір Темір бабамыздан бастап Мұқағали, Шәмші сияқты ұлы тұлғаларды сомдап  жігіттеріміз бәріміздің  жүрегімізді тебірентіп, көзімізге жас алдырды. Байқау өте жоғары деңгейде өтті. Сайысымыз 6 кезеңнен болды. Сайысымызда ерекше атап кететін кезең ол актерлік шеберлік кезеңі болды. Себебі  осы сайыс жігіттеріміздің ең жұлдызды сәті болды десек артық емес шығар. Залдағы көрермендерді тастай қатырып, еріксіз қолымызды соқтырған жігіттер сахнаға «Өлімді жеңген ана», «Мұқағали мен Шәмші», «Арқалық батыр», «Қозы Көрпеш пен Баян сұлу», «Амалым қанша...?» сынды ірі шығармалардан үзінді ойнаған болатын. Сонымен қатар, көрермендеріміздің езуіне күлкі ұялатқан «Кім жылдам?» сайысында айтпай кетпесе болмас. Бұл сайыста да жігіттеріміздің арақасында  гүл шоқтарының арасында қалғанымыз бар. Байқауда ойыншыларымыздың актерлік шеберлігі, білім парасаты, куш қуаты, киім сәнділігі сынға алынған болатын. Сайыста жігіттердің киім үлгісі, ұлттық киімнің әсемдігі, киімдегі «Жеті қазына» нышаны  көрермендерімізді «Ой,бәрекелді!» дегізбей қоймады. Әділ қазылар алқасында колледждер мен мектептер арасындағы «Жігіт сұлтаны-2014» байқауының жеңімпазы №39 гимназиясының 11 «А» сыныбының оқушысы Бейсенбин Ернат та қазылық етті. Осындай әдемі де, қызықты тартыста 10«А» сынып оқушысы Қайса Айбар  І орынды, ал 10 «Б» сынып оқушысы Нығметолла Алихан «Жігіт сұлтаны-2014» байқауының бас жүлдесін жеңіп алды. Жеңімпаздарымызды құттықтаймыз! Гимназиямызда осындай әдемі шаралардың бастамасы болып, басы-қасында жүрген  Өмірбаева  Дана Мұратовнаның еңбегі ерекше.  Дана мұғалімге алғыс білдіре отырып бұдан да биік шыңдар мен үлкен жеңістер тілейміз.