Еліміз Тәуелсіздік алғалы түрлі жастар ұйымдары құрылып, әр алуан істер атқарылып жатыр. Десек те, ешбірі бүкіл ел аумағындағы балалар мен жасөспірімдерді түгелдей қамтып, жұмылдыра алмады. Былтыр бұл олқылықтың орны толғандай болды. Елбасының бастамасымен «Жас Қыран» және «Жас Ұлан»  атты бірыңғай балалар мен жасөспірімдер ұйымы өз жұмысын жалғастырып келеді. Дегенмен, «Жас Қыран» мен «Жас Ұлан»  ұйымы оқушыларды отансүйгіштікке, елжандылыққа, биік мәдениетке тәрбиелеу бағытында үлкен жұмыстар атқаруда.

    Елбасымыздың қолдауымен құрылған «Жас Қыран» және «Жас Ұлан»  ұйымына қабылдану – әрбір шәкірт  үшін үлкен мәртебе. Келешегін бүгіннен ойға алған әрбір жас өрен «Жас Ұлан» ұйымы көптеген мүмкіндіктерді ашуға апарар жол деп біледі. Болашақ – жігерлі, біліммен қаруланған, салауатты жастар қолында.

    М.Жұмабаев атындағы №39 гимназияда «Жас Қыран» және «Жас Ұлан» бірыңғай балалар мен жасөспірімдер ұйымына салтанатты қабылдау болып өтті. Бұл ұйымға гимназияның үздік оқушылары, түрлі деңгейдегі олимпиада жеңімпаздары, спорттық сайыстар жүлдегерлерінен 66 оқушы мүшелікке қабылданды. Біздің мақсат-міндетіміз: Ұландардың шығармашылық, адамгершілік пен салауатты өмір салтының тұрақты негіздерін, азаматшылықты және патриотизмді, өз Отаны–Қазақстан Республикасына деген сүйіспеншілікке,мемлекеттік рәміздерге деген құрмет,іскерлік және ұйымдастырушылық қасиеттерін қалыптастыру. Ар-намысты, адамның құқығы мен бостандығын сыйлауға тәрбиелеу, жоғары жалпы мәдениетті, адамгершілікті, моральдық-психологиялық, іскерлік және ұйымдастырушылық қасиеттерін қалыптастыру,отанға деген сүйіспеншілікке тәрбиелеу,  адалдық сезімін дарыту, дәстүрлерді құрметтеу;

      «Жас Қыран» және «Жас Ұлан» бірыңғай балалар мен жасөспірімдер ұйымына қабылданушыларға төсбелгілер мен галстуктерді  табыстау үшін гимназия директоры, оқу- тәрбие ісінің орынбасарлары, гимназия тәлімгері мен бір топ еңбек ардагерлері, 4 және 5 сынып жетекшілері қатысты. 66 оқушы Жасұландық атанды. Ұйымға өткен оқушыларымыз өз мектептерінің қазіргі  мақтанышы болып,  мәдениет, спорт, білім-өнер сайыстарында топ жарған жеткіншектер. Егемен еліміздің ертеңіне өз үлесімізді қосқымыз келсе, білімді, тәрбиелі,  белсенді  болуымыз  керек.  Еліміздің өркендеуі, гүлденуі – жас ұрпақ қолында.