"Шеберлер әлеміне саяхат" атты эстетикалық сауаттылық апталығы аясында.
Мағжан Жұмабаев педагогикасындағы «Әр адамның сұлулық сезімдері әр түрлі нәрседен оянымпаз болады. Біреудікі - музыкадан, біреудікі сұлу суреттен, біреудікі поэзиядан. Искусствоның әйтеуір бір түрінен ләззат алмайтын, біреуіне құмар болмайтын адам болмайды. Тәрбияның міндеті – балада искусствоның қандай түріне ынта бар екенін тауып, сол ынтасын, сол түр туғызатын сұлулық сезімдерін өркендету» (2.132). деген тұжырымын бүгінгі кездесуімізге арқау етіп, халық өнерін қастерлеуге, үлгі тұтуға , ұлттық құндылықтарымызды дәріптеуге, оқушыларды әсемдікті тани білуге баули отырып, эстетикалық ой өрісін дамыту, адамгершілікке тәрбиелеу мақсатында "Шеберлер әлеміне саяхат" атты эстетикалық сауаттылық апталығы аясында «Ұрпақтар сабақтастығы – ұлттық құндылығымыз» атты кездесу өтті.
Қазақтың ұлттық құндылықтары ұрпақтан-ұрпаққа қолөнер бұйымдары арқылы аманат болып келеді.
Көненің көзі, әжелер аманатының біздерге үйретер мұрасын, сарқылмайтын өнерін жалғастыру үшін қолөнермен айналысатын шебер де асыл әжелеріміз бізге қонаққа келді.
Қазақ елі тәуелсіздігін алғалы, халқымыздың қолөнері қандай жетістіктерге жетіп отырғаны белгілі. Себебі,✅ қазір біз ұмыт бола бастаған қолөнерді қайта жаңғырта бастадық.
Қолөнер – халқымыздың қасиетімен ұрпақтан-ұрпаққа ауысып, тамырын тереңге жайып келе жатқан мұрасы.
«Өз үйінде ою оймаған, кісі үйінде сызу да сыза алмас», - дегендей өзінің ісмерлігімен, ою ойып, тоқу тоқып, ұрпақтарына үлгі-өнеге көрсетіп отырған асыл әжелеріміз ата-баба дәстүрін дәріптей отырып, өз тәжірибелерімен бөлісті.
Ұрпақтан -ұрпаққа жеткен ұлттық қолөнерді қадірлеу, дамыту, оны келешек ұрпаққа табыстау басты парыз.
@umckrg
@bahyt_himaldin