"Тәуелсіздігіміздің мерейтойы аясында біртуар тұлғаларды еске алып, олардың мұрасын жастарымызға және бүкіл әлемге паш етуіміз керек. Алаш арыстарының асыл мұрасын игеру жалғаса беруге тиіс"-деген Президент Қасым-Жомарт Тоқаевтың сөзін басшылыққа алып, ұлтты сүю, кісілік деңгейге дейін көтерілу, туған халқының мүддесі үшін құрбандыққа баруға әзірлік - өмірлік мұраты болған Мағжан Жұмабаевтың шығармашылығына арналған"Тәуелсіздік және Мағжан" атты дөңгелек үстел өтті. Кездесудің құрметті қонағы Л. Н. Гумилев атындағы Еуразия Ұлттық университетінің қазақ әдебиеті кафедрасының профессоры, ғалым, алаштанушы Жұмағұл Сағымбай Ботпайұлымен келелі кеңес, сүбелі сұхбат болды. Мағжан гимназиясы ақын шығармашылығын шәкірттерге дәріптеудің үлгісі ретінде "Мағжантану" оқулығымен таныстырды. 3-сыныптарға арналған оқулық бойынша Смағұлова Нұрхан Қантбековна, Түсенова Маржан Қазыкеновна сөз алса, 5-9 сыныптар бойынша қазақ тілі мен әдебиет пәні мұғалімі Эльмира Қарғабаевна таныстырды. Оқушылар Мағжан жырын жатқа оқып, көкейлерінде жүрген сұрақтарын қойды. #9_СӘУІР_МЕКТЕП_КҮНІ #ТӘУЕЛСІЗДІКПЕН_ТӨЛ_ҚҰРДАС_МАҒЖАН_МЕКТЕБІНЕ_30_ЖЫЛ