М.Жұмабаев атындағы № 39 гимназияда 2012-2013 оқу жылдары 6-15 желтоқсан аралығында гимназия жоспарына сәйкес Тәуелсіздіктің 21 жылдығына орай «Тәуелсіздік - тәу етер киелі ұғым» тақырыбында мектепішілік онкүндік іс-шарасы болып өтті.

        Өткізілген іс-шаралар төмендегі тақырыптар аясында жүріп өтті:

     06.12.12 күні өткен саптық жиында мектеп оқушылары онкүндіктің жоспарымен танысты. Осы күні өзін-өзі тану пәнінің оқытушысы Қошанова М.Қ. және тарих пәнінің мұғалімі Ж.А.Искакованың ұйымдастыруымен «Өз құқығыңды білесің бе?» атты тренинг жоғары дәрежеде болып өтті.

    07.12.12 күні мектеп психологы Тусупова Г.К. және тарих пәні мұғалімі Б.О.Хасенованың ұйымдастыруымен «Заңсыз есірткі тасымалдау бостандықтан айырады» атты тәрбие шарасы бейнеролик түрінде көрсетілді.

      08.12.12  күні  9 «А», 9 «Б» сыныптарында  «Алаш қайраткерлерінің тәуелсіздік идеясы» тақырыбында дөңгелек үстел өткізілді. Алашорда үкіметінің құрылғанына  95 жыл толуына байланысты тарих пәнінің мұғалімдері С.Д. Изтулеуова мен А.Т. Садирбеков  оқушыларға Алаш зиялыларының Тәуелсіздік жолында атқарған қызметі мен ерліктерін насихаттады. 

      10.12.12 күні тарих пәнінің мұғалімдері М.М.Жанғожин және Ж.А.Искакова  7 сыныптар аралығында «Желтоқсан оқиғасы және қазақ жастарының патриоттық ерліктері» тақырыбында ашық әңгіме жүргізді. Оған оқушылар белсене қатысып, өздері дайындар әкелген жұмыстарын ортаға салды және өз ойларын жеткізе білді.

      Сонымен бірге мектебімізде Өнер кафедрасының ұйымдастыруымен «Гүлдене бер, Қазақстан» тақырыбында өткізілген қалалық көрмеде оқушылары жасаған қолөнер бұйымдары  жеті бірдей жүлделі орынға ие болды. 

     11.12.12 күні тарих пәні мұғалімі А.Д.Тілегенов 8  «А» сыныбында Қазақстан Республикасының рәміздеріне 20 жыл толуына байланысты  «Рәміздерімізге 20 жыл» тақырыбында дөңгелек үстел түрінде өткізді.     

      12.12.12 күні сынып жетекшілердің ұйымдастыруымен «Тәуелсіздік- бейбітшілік бесігі» тақырыбында мектепішілік өнеге сағаттары жүргізілді.

    Сонымен бірге, I- қабатта Өнер кафедрасы «Тәуелсіздік ата-бабам аңсаған» тақырыбында 2-9 сыныптар аралығында суреттер байқауы ұйымдастырды.  Оқушылар тәуелсіздік тақырыбында салған суреттерін көрермендер назарына ұсынды.

        12.12.12 күні сағат 12:00-де музыка пәні мұғалімі Л.С.Нығметова және тарих пәні мұғалімі А.Т.Садирбековтың ұйымдастыруымен «Тәуелсіздік тұғыры биік болсын» тақырыбында 8-11 сыныптар аралығында патриоттық әндер сайысы өткізілді. Оқушылар Туған жер, Отан, Атамекен тақырыбында танымал әндерді шырқап, көрермендерді зор ықыласқа бөледі.

       13.12.12 күні тарих пәнінің мұғалімі Б.О.Хасенова «Мемлекеттік рәміздер-ұлттық мақтанышымыз» тақырыбында 6- сыныптар аралығында брейн-ринг өткізді.

   Онкүндіктің соңғы шарасы 15.12.12 күні қазақ тілі және әдебиеті пәнінің ұстаздары О.Сұраған және Э.Қ.Сыздықованың ұйымдастыруымен 5- сынып оқушылары және мектеп өнерпаздарының қатысуымен «Тәуелсіздік- тәу етер киелі ұғым» тақырыбында кең ауқымды Мерекелік кешке ұласты. Кеш соңында мектеп тәлімгері А.С.Саматтың ұйымдастыруымен Республикалық бірыңғай «Жас ұлан» және «Жас қыран»  ұйымына 5-6 сынып оқушыларын қабылдау рәсімі болып өтті. Салтанатты жиында мектеп ұстаздары мен ата-аналардың  алдында оқушылар өз елін, жерін, Отанын сүюге және өз елінің патриоты бола отырып, оқуда үздік болуға ант берді. Жас ұландарға мектеп ұстаздары мойындарына көк ту түстес галстуктырын байлап, төсбелгілерін тақты.

         Тәуелсіздіктің 21 жылдығына орай «Тәуелсіздік - тәу етер киелі ұғым» тақырыбында мектепішілік онкүндік іс-шарасы ойдағыдай іске асып, көздеген мақсатына жетті деп ойлаймыз.

       Алдағы уақытта осындай кең ауқымды іс-шаралар үздіксіз болып тұратынына сеніміміз зор.