Жаңа жылға дейін санаулы күндер қалды. Осы орайда қаламызда мерекелік шаралар басталып кетті. Біздің гимназияда да жаңа жылдық шырша мерекесі өтті. Балалар үшін арнайы мерекелік бағдарлама ұсынылды.

Жоспарға сәйкес 24 желтоқсан 1-4 сыныптар арасында, 26 желтоқсан 5-11 сынып аралығында жаңа жылдық кештер ұйымдастырылды.

Бастауыш сыныптың жаңа жылдық шырша мерекесіне «Өзін-өзі басқару» ұйымының балалары әртүрлі кейіпкерлер бейнесіне еніп, кештің сәнін келтірді. Кеш барысында оқушылар өз өнерлерін көрсетіп, ән шырқап, би билеп, соңы флешмобқа ұласты. Аяз ата мен ақшақардың мерекелік кешке атсалысуы оқушыларды қатты қуантты. 6 сыныптардың сағат 14:00-ге бекітілген жаңа жылдық мерекесі ерекше өтті. Әр сынып жаңа жылға арнайы дайындаған мюзиколаларын жоғары деңгейде көрсетті. Мюзиколадан бөлек, ән, күй орындалды. Бір сағатқа созылған бұл кештің соңы әртүрлі номинациялар бойынша марапаттаумен аяқталды. 7-11 сыныптарға арналған мерекелік кеште – флешмоб, мюзикола түрінде өтті. Мерекенің соңы би кешіне ұласты.

Баршаңызға келе жатқан жаңа жыл құтты болсын!