«Тіл-татулық тірегі» атты тілдер апталығы дүйсенбілік саптық жиында қорытындыланды.  8-11-сыныптар арасында эссе  жазу байқауында тіл құдіретін ұрпақтан-ұрпаққа жеткенін, әр адам өз ана тілін көзінің қарашығындай қорғау керектігін, баға жетпес мәдени байлықты көркем тілмен аша білген үздік жұмыстар іріктелініп, марапатталды. 8 «Б» сынып оқушысы Бағдатқызы Зейнеп, 9 «Б» сынып оқушысы Мақсұтова Бегайым, 10 «Б» сынып оқушысы Айтуған Нұрдәулет І орын алғандары үшін марапатталса, 1-4-сыныптар арасында өткен мәнерлеп оқу сайысында кеше ғана мектеп табалдырығын аттаған бүлдіршіндеріміз  мерекелік шарада «Мен қазақпын», «Тілім менің» деп рухтана оқыған 1 «В» сынып оқушысы Бекеш Жасын – бас жүлде, 1 «А» сынып оқушысы Шәкәрім Айсұлтан - І орын, 2 «Ә» сынып оқушысы Мағауия Інжу - ІІ орын, 3 «Ә» сынып оқушысы Асет Ибрагим - І орын,4 «Ә» сынып оқушысы Жолшаринов Ерасыл - бас жүлде, 4 «Б» сынып оқушысы Зиятай Айнұр – І орын алғандары үшін марапатталды.

     Ғабиден Мұстафин «Түрлі-түрлі байлық бар. Солардың таңдауын берсе, мен тіл байлығын таңдар едім. Өйткені тіл байлығы — бәрінен де сенімді байлық» демекші, оқушыларымыз бір апта бойы өткен әртүрлі ісшараларға қатыса, іздене жүріп, баға жетпес байлықтың құдіретін түсіне де сезіне білді.  Олай болса, тілімізді қадірлей білейік!