Астана қаласында «Назарбаев Зияткерлік мектептері» дербес білім беру ұйымының 10 жылдығына арналған «Жаңа дәуірдің мектебі» тақырыбында Х халықаралық конференция өз жұмысын бастады. Пленарлық отырысты Қазақстан республикасының Білім және ғылым министрі Ерлан Сағадиев ашып,келесi кезекте Назарбев университетінің президенті Шигео Катсу сөз алды. "Назарбаев Зияткерлік мектептері" ДББҰ басқарма төрайымы Күләш Шамшидинова бүгінгі ғылыми-тәжірибелік конференцияның мақсаттарымен таныстырып, дәстүрлі тәжірибелік конференцияға катысушыларга  алғыс білдірді. Конференция 12 бағытта жұмыс жасап, онда білім жүйесіндегі өзгерістер, мұғалімдерді оқыту, кәсіби дамыту және олардың жан-жақты өркендеуі, орта білім куррикулумындағы инновация мен тенденция жөнінде пленарлық және секциялық отырыстар өттi. Аталмыш конференцияға гимназия директоры Жалелов Абылай Армияұлы, директордың бейіндік ісі жөніндегі орынбасары Касимова Дина Амангельдиновна, математика пәні мұғалімі Нуржанова Шолпан Узбековна, Химия пәні мұғалімі Жакишева Жулдыз Зейнуллаевна, бастауыш сынып мұғалімі Смагулова Нурхан Кантбековна қатысып, сертификатқа ие болды.