2017 жылдың 10 қазан күні «Шахтер» стадионында  7-12 жас аралығындағы балаларға арналған ИААФ дайындаған бағдарлама бойынша жеңіл атлетикадан қалалық сайыстар өткізілді. 

   Шаралар ұйымдастырушысы - Қарағанды қаласының дене шынықтыру және спорт бөлімі.

  Қалалық сайыстардың өткізілу мақсаты - салауатты өмір салтын насихаттау, оқушыларды тұрақты жаттығуларға тарту, өскелең ұрпақтың денсаулығын нығайту, балалар мен жасөспірімдерді дене шынықтыру және спортпен жүйелі түрде шұғылдануға қатыстыру.

  Сайыстар нәтижелері бойынша, №15 ЖББОМ 3-ші орын, екінші орынды біздің мектептің командасы, ал бірінші орынды №53 ЖББОМЛ алды.

 Жеңімпаздар медальдар мен мадақтамаларды қазақстандық жеңілатлет, 2004 жылғы жазғы Олимпиада ойындарының қола жүлдегері, Қазақстан Республикасының спортқа еңбегі сіңген шебері Дмитрий Карповтың өз қолынан алды.

  Сайыстар қатысушыларының бәрін құттықтаймыз! Ары қарай табыс пен жеңістер тілейміз!