2017 жылдың 25-27 қыркүйек күндері №27 ЖББОМ негізінде 2000-шы жылғы және одан кейін туылған оқушылар арасында футбол бойынша облыстық спартакиада өтті.

 Спартакиаданың ұйымдастырушысы - «Сарыарка дарыны» аймақтық ғылыми-практикалық орталығы. 

 Қарағанды облысының оқушылар спартакиадасы облыста футболды дамыту, салауатты өмір салтын насихаттау, оқушыларды тұрақты жаттығуларға тарту, өскелең ұрпақтың денсаулығын нығайту, балалар мен жасөспірімдерді дене шынықтыру және спортпен жүйелі түрде шұғылдануға қатыстыру мақсаттарында өткізілді. 

  Спартакиадада облыстың 16 командасы қатысты. Сайыстар нәтижелері бойынша, Шахтинск командасы 3-ші орын, екінші орынды Балхаш қаласының командасы, ал құрметті бірінші орынды біздің №27 ЖББОМ құрама командасы алды. Жеңімпаздар «Сарыарка дарыны» АҒПО кубоктары, медальдары, дипломдары және мадақтамаларымен марапатталды.

 Спартакиаданың барлық қатысушыларын құттықтаймыз! Ары қарай басқа да жеңістер мен табыс тілейміз!