«№27 ЖББОМ» КММ мектебінде 2 қыркүйек Білім күнінде «Сыңғырла, күміс қоңырау!» тақырыбында салтанатты жиын өтті.
Салтанатты жиын сағат 10:00.- де мемлекеттік гимннің орындалуымен салтанатты түрде басталды. Мерекеге барлық мектеп оқушылары және мұғалімдер, ата-аналар, мектебіміздің еңбек ардагерлері мен Қарағанды облыс Әкімінің орынбасары Оспанов Сабит Темешович қатысты.
Алғашқы құттықтау сөз мектеп директоры Даупбаева Клара Төкенқызына берілді. Келесі құттықтау сөз салтанатты жиын қонақтарына беріліп, Сабит Темешович салтанатты жиынға қатысушылар мен мектепке келген 1-сынып оқушыларына Қарағанды облысының әкімінің құттықтау хатын жолдады.
Мектеп табалдырығын алғаш аттаған 1 сынып оқушыларына 11 сынып оқушылары ағалық тілектерімен ақжол тілеп, ескерткіш сыйлықтарын табыстады.
Мектеп оқушылар үшін 2017-2018 оқу жылының алғашқы қоңырауы соғылды. Алғашқы қоңырау соғу рәсімі 11-сынып оқушысы Сериков Сымбат пен 1-сынып оқушысы Манат Кәусарға берілді.
1-9 сынып оқушыларында «Мен - өз елімнің патриотымын!» атты сынып сағаты өтті. Ал 10-11 сынып оқушылары Н.Ә. Назарбаевтың «Болашаққа бағдар: рухани жаңғыру» мақаласымен танысып, өз ойларын ортаға салды.
Байланыс телефондары
