Желтоқсан айының 24-і күні мектебіміздің 1-сынып оқушылары алғаш мектеп табалдырығын аттағанда қолдарына ұстап, тұңғыш бетін ашқан сүйікті "Әліппемен" қоштасты. 1-сынып жетекшілері М.З.Тұмарбаева мен А.Б.Шамгулова "Қош, сүйікті, Әліппем!" тақырыбында ертеңгілік ұйымдастырып, балаларға, ата-аналарға көңілді мереке мен жақсы көңіл-күй сыйлады. 1-сынып оқушылары мерекеде өздерінің бар өнерлерін, үйренгендері мен білгендерін ортаға салып, ән шырқады, би биледі. Мерекенің соңында барлық балалар білім-ғылымға жол салып берер "Әліппені" сәтті меңгергені үшін дипломмен марапатталды. Сонымен қатар, оқушыларға алғашқы сынып ұжымымен түскен "Мектеп альбомы" табысталды. Мерекенің соңында ата-аналар ұжымы оқушыларға, ұстаздарға өздерінің алғыстарын жаудырып, ақ тілектерін білдірді.