Күз мезгілінің соңғы күнінде "Менің тұңғыш Президентім!" тақырыбында бастауыш сынып кафедрасы апталығының жабылу салтанаты өтті. Бұл мереке 1-желтоқсан Қазақстан Республикасының Тұңғыш Президенті күніне арналған болатын. Іс-шараны ұйымдастырушы кафедра жетекшісі А.Б.Шамгулова бастауыш сынып оқушыларына елбасымыз жайында мағлұматтар беріп, түрлі бейнефильмдер көрсетті. Оқушыларға сұрақтар қойып білімдерін де сынға салды. Балалар да аянып қалмай өздерінің туған жер, Отан туралы әндерін шырқап, би биледі. Әнұран шырқалып басталған іс-шараның соңында бастауыш сынып кафедрасы апталығының қорытындысы айтылып, 28-қарашада өткізілген пәндік олимпиаданың жеңімпаздары марапатталды.