22-мамыр күні мектебімізде 4 "А" сыныбының "Бастауышым - балбұлағым!" атты бастауышпен қоштасу кеші өтті. Кешке сыныптың ата-аналары, пән мұғалімдері, мектеп әкімшілігі, басқа сыныптың оқушылары түгел жиналды. Бастауышпен қоштасып, келесі оқу жылынан бастап орта буынға аяқ басатын 4 "А" сынып оқушылары ерекше толқу үстінде болды. Сынып жетекшісі Шамгулова Алуа Бериковна өзінің еңбек жолын бастағанна бері алғаш қанатының астына алған сыныбын қимастықпен шығарып салды. Сынып оқушылары бүгінгі кеште өздерінің бар өнерлерін ортаға салып ән айтып, би билеп, әртүрлі ойындар да ойнатылды. Сондай-ақ, биылғы оқу жылында өздерінің білімімен көзге түскен оқушылар мақтау қағаздарымен марапатталды. Сынып жетекшісінің атынан сыныптың барлық оқушылары түрлі номинациялармен де марапатталды. Сынып жетекшісі ата-аналар қауымын да айналып өткен жоқ, 4 жыл бойы мектептің өміріне белсен араласып жүрген әжелерді, аналарды, әкелерді де түрлі номинациялар бойынша мақтау қағаздарымен марапаттады. Екі жарым сағатқа созылған бастауышпен қоштасу кешінің көңілді өткені соншалық, кештен кейін де сынып оқушылары мен ата-аналары тарқаспай ұзақ жүрді...