Тәуелсіздіктің 23 жылдығына орай мектебіміздің 4 "А" сыныбында "Тәуелсіздік -  елімнің еркін жолы!" атты ашық тәрбие сағаты өтті. Тәрбие сағаты екі бөлімнен тұрады. Бірінші бөлім «Желтоқсанның арманы – Тәуелсіздік таңдары» деп аталса, екінші бөлім «Тәуелсіздік тірегі – білімді ұрпақ» деп аталады. 

       Тәрбие сағаты Әнұранмен басталды. Сынып жетекшісі Алуа Бериковна 1986 жылғы Желтоқсан оқиғасы жайлы бейнеролик, презентация көрсете отырып, Желтоқсан құрбандарын бір минут үнсіздікпен еске алды.

       Тәрбие сағатының екінші бөлімінде сынып оқушылары топтарға бөлініп, Қазақстан жайында білімдерін ортаға салып, жарыс-ойындарға қатысты. Атап айтсақ, оқушылар "Шарлар шашуы", "Менің елім - менің мақтынышым", "Тұғырлы ту" деген ойындар ойнап, мұғалімнің тапсырмаларын орындады. Сынып оқушылары тәрбие сағатына белсене қатысып, Тәуелсіздік тарихына деген қызығушылақтарын білдірді.