Қалалық білім бөлімі ӘК жылдық жоспарына сәйкес №27 ЖББОМ КММ
базасында инклюзвиті білім беру мәселелері бойынша оқыту мемлекеттік
тілде жүргізілетін мектептердің қазақ тілі мен әдебиеті мұғалімдеріне «Қазақ
тілі мен әдебиет сабағында инклюзивті білім беру» тақырыбына семинар
өткізілді. Семинардың ашылуында мектеп директоры С.Е.Касымканова
семинарға қатысушыларға мектеп туралы қысқаша мәлімет беріп, сәттілік
тіледі. Қалалық білім бөлімінің әдіскері Жаркеева Гүлназ Бекетовна
«Инклюзивті білім беру: тәжірибесі,мәселелері, даму болашағы»
тақырыбына баяндама жасады. Аталмыш мектептің тәжірибелі педагогтері өз
іс-тәжірибесімен бөлісті. Семинар аясында теориялық блокта қатысушылар
нормативтік-құқықтық құжаттармен, инклюзивті білім берудің негізгі
ұғымдарымен және ұстанымдарымен таныстырылды.Ерекше білім беруді
қажет ететін білім алушыларға арналған бейінді, қысқартылған
бағдармаларды құру бойынша ұсынымдар берілді. Семинардың практикалық
бөлімінде қатысушыларға қазақ тілі мен әдебиеті пәні мұғалімі
Ш.Т.Муханова «Бағып-қағуда көп мағына бар» тақырыбына 5 «Ә»
сыныбында ашық сабақ және Ж.Т.Кутжанова «Инклюзивті сыныпта сабақты
жоспарлау» тақырыбында шеберлік сабақ көрсетілді.Қатысушылар
семинардың барысын жақсы деңгейде өткендігі жөнінде және практикалық
маңыздылығын атап өтті.
Авторство:
