9А сыныбында «Сүйіспеншілік-адамның басты қасиеті,ақиқат- оның негізі,дұрыс әрекет оның шынайы өмірі» тақырыбында ашық сабақ өткізілді.

Ұйымдастыру кезеңінде «шаттық шеңбері» әдісі арқылы оқушылар бір-біріне жақсы көңіл-күй сыйлап және «арқаға сурет салу» әдісімен сабаққа деген қызығушылығын байқатты.Сабақта топтық және  жұптық тапсырмалар беріліп,қорғалды. Топтар бірін –бірі бағалады. «Екі жұлдыз бір тілек» әдісі арқылы сабақты қорытындылады.

Жалпыадамзаттық құндылықтар

 Құндылық — мәдениеттің құрамдас бөлігі. Мәдениеттің құрамдас бөлігі болуы себепті құндылық адамдардың өзін ұстауын реттейді, олардың шынайы тәртібін айқындайды. Мәдениет құндылықтары, тиісінше, материалдық және рухани болып бөлінеді. Құндылықтардың мазмұны қоғамның мәдени жетістіктерімен шарттастырылған. Құндылықтар әлемі, сөздің кең мағынасында, мәдениет әлемі деген сөз. Ол адамның рухани қызмет аясы, оның санасының дұрыстығын айғақтаушы, адамның рухани байлығының өлшеуші іспетті. Құндылықтарды мүдделердің қарапайым жалғасы немесе бейнеленуі ретінде қарастыруға болмайды.                                                                                                                          Бар сияқты менде де сана, шыдам                                                                Жылағанды демеуге тағы асығам.                                                                    Жасайын – ақ десем де бір астамдық,                                                                          Қорқам ардың айбалта – жазасынан,- адамгершілік-адамдардың күнделікті қарым- қатынасына қатысты ізгілік ұстанымдарын бейнелейтін моральдік қасиет.Әр бала өзінің руханилығымен, өзінің тазалығымен және өмірді таза күйінде қабылдай алуымен дарынды.Міне осы кезден бастап баланың жалпыадамзаттық құндылықтар туралы түсініктері кеңейеді.Тәрбие барысында әр баланың өз санасында ғана емес,сонымен қатар жүрегінде де жалпыадамзаттық рухани құндылықтар:ақиқат,дұрыс әрекет, ішкі тыныштық,қоршаған ортаға деген тартымдылық пен сүйіспеншілік,қиянат жасамау керектігі және тағы да басқа құндылықтар бар екендігіне қөздерін жеткізіп,өмірде осы құндылықтарды басшылыққа алуға көздейді.Қиянат жасамау- ешкімге оймен, сөзбен қиянат жасамау.Ішкі тыныштық- ақылдың толықтай тынышталуы, адамның терең табиғаты. Ақыл мен жүрек тең болғанда ішкі тыныштық орнайды.Құндылықтардың алғашқы екеуі –ақиқат пен дұрыс әрекет, барлық адамгершіліктің мәнін қамтиды. Шыншылдық, турашылдық, адалдық іштей осы екеуіне тән,барлық жағдайларда шындықты айт және іштегі ар-ождан дауысына сәйкес әрекет ет. Адам риясыз сүйіспеншілікпен әрекет етсе, ол жетістікке жеткеніне немесе жеңіліске  ұшырағанына, рахаттану немесе жан күйзелісіне, қуаныш немесе қайғыға қарамастан ол толық ішкі тыныштықта болады.Жалпыадамзаттық құндылық дегеніміз белгілі бір адамдар үшін ғана емес,жалпы адамзат үшін маңызды 2құндылықтар болып табылады.Сондықтан құндылықты бағалай білуіміз керек.

Эссе жазған: 8Ә сынып оқушысы Сайлауова Ажар                                                  Пән мұғалімі:Оразаева Куланда Алдабергеновна