«Латынға көшуді қолдаймын!» атты тақырыпта фотогалерея өткізілді. Мектебіміздің кітапханасында ұйымдастырылған Елбасының «Болашаққа бағдар:рухани жаңғыру» мақаласын ілгерілету бойынша бекітілген желілік кестеге сәйкес шара өткізілді. Елбасы Нұрсұлтан Назарбаев биылғы «Қазақстанның үшінші жаңғыруы: жаһандық бәсекеге қабілеттілік» атты Жолдауында қазақ халқы рухани дамудың үшінші сатысына қадам басқанын айтқан болатын. Осылайша, тәуелсіз Қазақ елі қайта дамудың айрықша маңызды екі процесі – саяси реформа мен экономикалық жаңғыруға бет түзеді.

   Ал, мектептегі қазақ тілі мен әдебиеті кафедрасының жетекшісі Н.А.Асрепованың сөзінде, латын қарпі қазіргі таңда ғылыми тілдің негізгі крийтериі екенін алға тартып, аталмыш алфавит арқылы қазақ тілінің табиғи, таза қалпын сақтай алатынымызды жеткізді. Сондай-ақ, шара барысында мектеп мұғалімдері өз ойларын ортаға салып, жаңа қаріп жаңашылдыққа жетелейтінін атап өтіп, бірауызбен қолдады.