Мектеп оқушылары, іс-тәжірибеден өтуші студенттер және  мұғалімдер арасында Елбасы Нұрсұлтан Әбішұлы Назарбаевтың  Жолдауларын насихаттау мақсатында 2018 жылдың 10-ақпан күні «Елбасы Жолдауы – басты бағдар» тақырыбында мектебіміздің 8-11-сынып оқушылары, ҚарМУ тарих факультетінің іс-тәжірибеден өтуші 3-курс студенттері, мұғалімдер және арнайы шақырылған қонақтар қатысқан дөңгелек үстел өтті.

Дөңгелек үстел модераторы: Оспан Дархан Қызылбайұлы, тарих пәнінің мұғалімі

Дөңгелек үстел қонақтары:

Әміртаев Тілеуғалы Әміртайұлы, ҚР білім беру ісінің үздігі, Ыбырай Алтынсарин төсбелгісінің иегері, Қазақстан және халықаралық журналистер одағының мүшесі, БҰҰ-ның Қазақстандағы филиалының «Ұлт мақтанышы» медальінің иегері, Қарағанды облысы білім саласына еңбек сіңірген қызметкері.

Абдрахманова Бибігүл Абдрахмановна, ҚР білім беру ісінің үздігі

     Кулпеисова Сабира Избасаровна, ҚР білім беру ісінің үздігі

Оқушылар мен студенттерге арналған ой-қозғау сұрағы:

1.     Жыл сайынғы жолданатын Елбасының Қазақстан халқына жолдауының маңыздылығы неде?

2.     Болашаққа бағдар: рухани жаңғыруға қаншалықты үлес қосудасың?

Дөңгелек үстелде айтылар ой еркін болғандықтан, өзекті тақырып аясында мектеп оқушылары өз ойларымен бөлісті.  11 сынып оқушысы Саметова Жайна: Елбасымыздың «Болашаққа бағдар: рухани жаңғыру» бағдарламасы халықтан қызу қолдау тапқан, Тәуелсіз Қазақстанның жаһандану дәуіріндегі рухани кеңістіктің жаңа бастауы деп бағалау керектігін және тарихи прагматизмді ояту арқылы ұлттық, қоғамдық ойға сілкініс әкеліп,  тәуелсіз елдің санасын отаршылдықтан тұтастай арылту мақсатында жүзеге асырылатын бағдарлама екенін айтты.

Оқушылар Елбасының «Болашаққа бағдар: рухани жаңғыру» мақаласын сөзге тиек етті. Иә, мемлекет басшысы Нұрсұлтан Назарбаев өзінің мақаласында өлкетану бағытындағы «Туған жер» бағдарламасын қолға алуды ұсынған болатын.

Сол бағдарлама аясындағы «Туған жер»  тақырыбы бойынша 9 «Ә» сынып оқушысы Орынбекова Арайлым мен Байбәкір Ақерке өздерінің жазып жүрген ғылыми жобалары туралы көпшілікті хабардар етіп, сол бағыттағы жобаны таңдауына не себеп болғандығын және осы бағыттың жүзеге асырылуына туған жерді дәріптеу, құрметтеу арқылы үлес қоса алатындықтарын айтты. Орынбекова Арайлым Ұлытау ауданындағы «Алаша хан» кесенесінің беймәлім тұстары туралы, Ақерке өзінің кіндік қаны тамған «Жаңаарқа» ауданының тұнып жатқан құпияларын әлі де болса зерттейтінін дәлелдеп айтып өтті.

Әміртаев Тілеуғалы Әміртайұлы:  Елбасымыздың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына  арнаған Жолдауы жан-жақты талқыланып жалпы көпшілікке түсіндірілуде. Мұнда революция әлеміне бейімделу мен жетістікке жетудің желкенді де оңтайлы оң бағыты айқындалған.

Жолдаудың білімге байланысты айтылған бөлігінде: жас ұрпақты адами қасиеті қалыптасқан, жан-жақты жетілген асқақ азамат ете өсірудің, елімізді жаңғыртудың басым бағдарлары берілген.

Абдрахманова Бибігүл Абдрахмановна

Иә, расында білімдінің күшті екенін білесіңдер. Білімсіз ғылым, ғылымсыз жаңалық болмайтынын білеміз. Жаңалықсыз еш нәрсенің өзгермейтіні, еш мемлекеттің дамымайтыны белгілі. Жаңалықты жасайтын – адам. Ендеше, сол адамға көңіл бөлу, оқыту, тәрбиелеу, дамыту – әр мемлекттің басты да басым бағыты, мңызды мақсаты болмақ. Елбасымыздың адами капиталды жаңғыртуға баса назар аударуы өте көрегендік десем артық болмас, яғни алдымызда жаңа сапалы білімге тез бейімделу міндеті тұр.

Әрине, еліміз алдыңғы қатарлы дамыған елдер қатарына қосылу үшін біршама қарқынды жұмыстар атқарылуда. Заман талабына сай заманауи техникалар мен машиналар, өнеркәсіптер күн санап дамып келеді. Жас ұрпақ үшін Елбасы жолдауы ел үшін нақтылы бағдар. Әр жолдаудан соң нақты міндеттер айтылады. Заман жедел, міндет айқын. Қоғам алдында, болашақ ұрпақ алдында жаңа сапалық даму тұр. Тек осы бағдар бойынша әрекет етуіміз керек.