№41 жалпы білім беретін орта мектебінде  29.01.2018ж. күні «Алаштың Ахметі» III қалалық танымдық – теориялық конференциясы өтті. Конференцияның мақсаты – Ахмет Байтұрсынұлының ғылыми мұраларының бүгінгі күнде өзектілігі. Конференцияға ғылыми жұмыстар қазақ, орыс, ағылшын тілдерінде қабылданып, 130 жұмыс жинаққа енді. Конференцияны қалалық білім бөлімінің басшысының міндетін атқарушы Р.А.Кенешова ашып, мектеп директоры Ж.С.Баймолдина Ахмет Байтұрсынұлы  мұражай – үйінің директоры Р.С.Имаханбеттің сыйға берген Ахмет Байтұрсынұлы туралы зерттелген еңбектерін таныстырды. Конференцияға арнайы қонақтар ҚББ әдіскері Р.Ж.Кулмуханова, ХАА академигі, филология ғылымдарының докторы, профессор Ж.Қ.Смағұлов, тарих ғылымдарының кандидаты, доцент Н.А.Бейсенбекова, ҚарМу – дің Қазақстан тарихы және ҚХА кафедрасының аға оқытушысы – Н.Б.Смағұлов, филология ғылымдарының магистрі, Қазақстан жазушылар одағының мүшесі А.А.Мырзахметов қатысты. Конференция «Алаш тағылымы және тәуелсіздік», «Латын әліпбиі – келешектің кілті», «Ұлттық жаңғыру – туған жер тұтастығы мен ел болашағы» бағыттары бойынша өткізіліп, әр бағытта қорғалған жұмыстарға арнайы жүлделі орындар мен қалалық білім бөлімінің алғыс хаттары табысталды. Ғылыми жұмысы ерекше деп аталған оқушыға профессор Ж.Қ.Смағұловтың арнайы сыйлығы табысталды. Конференция соңында қатысушылар мен қонақтардың ұсыныстары тыңдалды. Жабылу салтанаты мектеп оқушыларының арнайы концерттік бағдарламасымен аяқталды. Тарих төрінен өшпес орын алған ұлы тұлға Ахмет Байтұрсынұлының кейінгі ұрпаққа қалдырған мұрасы жетерлік. Ғалым мұрасын насихаттау – бүгінгі ұрпақтың еншісінде.