2018 жылдың 18 қаңтар күні 0 -11  сыныптар бойынша жалпы мектепішілік ата-аналар жиналы өтті. Жиналысқа арнайы ІІД-нің есірткі бизнесіне қарсы күрес басқармасының аға жедел уәкілі Аяжанова Светлана Орынқызы келіп, осы бір жағымсыз мәселенің алдын алу мақсатында баяндама жасап, ата-аналар тарапынан бұндай жағдайды көрген, байқаған жағдайда тиісті орындарға жедел хабар беруге шақырды. 

Күн тәртібінің бірінші мәселесі бойынша мектеп директоры Баймолдина Жадыра Сабыровна оқу жылының басынан мектебіміздегі атқарылған жұмыстарға және алдағы жоспарланған  жұмыстары бойынша  ата-аналар қауымдастығының алдында есеп берді.

Екінші мәселе бойынша мектебіміздің тарих пәнінің мұғалімі Оспан Дархан ҚызылбайұлыҚазақстан Республикасының Президенті Н.Ә.Назарбаевтың 2018 жылғы 09 қаңтар күнгі«Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауын талдау мақсатында баяндама жасады.

Үшінші мәселе бойынша мектеп инспекторы Болысбаев Ербол Елібайұлы «Әкімшілік және қылмыстық жауапкершілікті алдын ала болдырмау»  тақырыбында баяндама жасап, баланы себепсіз сабақ босатуын, түнгі мезгілде бейсауат жүрмеуін, ата-аналар тарапынан күнделікті балаларының сабақтан кешікпеуін, сабақтан кейін уақытылы үйге келуін, қалта телефондарының хабарламаларын, мектептегі тәртібін қадағалап отырулары керек екендіктерін, себепсіз сабақ босатқан ата-аналар әкімшілік жазаға тартылатынын  және т.б  бала тәрбиесіне қатысты мәселелерге тоқталып, мектеппен тығыз байланыста болуға шақырды.