№41 жалпы білім беретін орта мектебінде Қазақстан Республикасы Тәуелсіздігінің 26 жыл толуына орай 15 желтоқсан күні «Үлкендер жолы – ұлылық, ұрпағы жүрер ұғынып!» тақырыбында қалалық деңгейде ардагер ұстаздар форумы ұйымдастырылды. Форум «Ұстаз» педагогикалық еңбек ардагерлер кеңесінің бірлесуімен өткізілді.  Салтанатты рәсімге қаламыздан 60 – тан аса ардагер ұстаздар қатысты. «Жас ұлан» балалар мен жөспірімдер ұйымы «Үміт» санатына мектебіміздің оқушылары қабылданып, ардагер ұстаздар оқушыларға галстуктарын салтанатты түрде табыс етілді. Жас ұландар ант қабылдады. Кешіміздің екінші бөлімінде ардагер ұстаздарға арналған концерттік бағдарлама өткізілді. Бағдарлама барысында әннен шашу шашылып, «Не? Қайда? Қашан?» интеллектуалдық ойын жүргізілді. Жеңімпаздар арнайы марапаттауларға ие болды. Кеш соңында рефлексия ұйымдастырылып, ардагер ұстаздарымыз өз ризашылықтарын білдірді.