Азаматтық қорғанысты ұйымдастыру мен жүргізу аса маңызды міндеттерінің бірі.  Осы Заң Қазақстан Республикасы азаматтық қорғанысының негізгі  міндеттерін, құрылуы мен жұмыс істеуінің ұйымдық принциптерін, Қазақстан Республикасы орталық, жергілікті өкілді және атқарушы органдарының, ұйымдарының азаматтық  қорғаныс саласындағы құзіретін, азаматтардың құқықтары мен міндеттерін белгілейді."Баршаңыздың назарыңызға!" дабылы - Азаматтық қорғаныстың дабылдамалармен және басқа да дабыл беру құралдарымен берілетін бірыңғай дабылы. Осыған орай мектебімізде 2 наурыз күні  Халықаралық азаматтық қорғаныс күні жоспарға сай аталып өтті.  Өткізілген жиын  мектеп директоры Ж.С.Баймолдинаның,  АӘД ұйымдастырушысы О.Б.Рахманов, мектеп медбикесі  ұстаздар мен оқушыларға  «Жас құтқарушылар» үйірмесінің оқушыларымен  «Қорғаныс құралдарын дұрыс қолдана білу», «Тыныс алу жолдарын қорғаудағы бетпердесін жасау үлгісі»,  «Төтенше жағдай кезінде көрсетілетін алғашқы дәрігерлік көмек» тақырыптарында практикалық  жұмыстарын көрсетті. Барлық сыныптарда сынып сағаттары өткізіліп, бейнефильмдер көрсетілді. 1 – 4 сыныптарда «Қауіпсіздік және төтенше жағдайлар дегеніміз не?», 5 – 7 сыныптарда «Төтенше жағдайдағы адам қауіпсіздік негіздері», 8 – 11 сыныптарда «Қала қауіпсіздігі» тақырыптарында сынып сағаттары өткізілді.  «Баршаның назарына» дабылы І ауысымда сағат 12.25-те, ІІ ауысымда 15.30-де өткізілді. Дабылға барлық мектеп ұжымы  қатысты. Дабыл кезінде  оқушылар белсенділік көрсетіп, мектеп алаңына  бірінші келген сыныптар марапаттарға ие болды. Дене шынықтыру пәнінің мұғалімдері Е.С.Нугуманов, М.К.Тлешова, А.М.Аязбаев, А.Ө.Баймолдиннің ұйымдастыруымен 8-11 сынып оқушылары және ұстаздар арасында эстафеталық ойындар өткізілді. Азаматтық қорғаныс күні жоспарға сәйкес, жоғары деңгейде өткізілді.