Тәуелсіздік – тәу етер жалғыз кием

14.12.2016 күні №41 ЖББОМ-де қазақ тілі мен әдебиеті пәнінің мұғалімдері ұйымдастыруымен Тәуелсіздіктің 25 жылдығы, Қарағанды облысының 80 жылдығы және Ахмет Байтұрсынұлының 145 жылдығына орай «Тәуелсіздік – тәу етер жалғыз кием» атты мектепішілік   жыр мүшәйрасы өтті.  Мүшәйраның мақсаты:  Тәуелсіздік тарихын кеңінен насихаттау, жас ұрпақтың ұлттық рухын асқақтату, Ахмет Байтұрсынұлы еңбегін, үлгілі өмір жолын жыр жолдары арқылы насихаттау, жас қаламгерлерге қолдау көрсету,  шеберліктерін шыңдау. Байқауға 5-11 сынып оқушылары қатысты. Мүшәйрада ақын, журналист, «Тәңір таңбасы» жыр жинағының авторы, «Арқа ақшамы» газетінің редакторы Жанат Жаңқашұлы мен ақын, бірнеше жыр мүшәйраларының жеңімпазы, «Арнадым саған» жыр жинағының авторы Аян Мейраш төрелік етті. Өлең атты өр өнерге құлаш ұрған жас ақындар  шығармашылығының сайысында өнер көрсеткен 10 «А» сынып оқушысы Мағзұм Алмас ІІІ орын, 11 «А» сынып оқушысы Ашамаева Ақгүл  ІІ орын, ал 6 «Ә» сынып оқушысы Мұхамедия Инабат  І орынды иеленді. Кеште мектебіміздің оқушылары Тәуелсіздік тақырыбында өлеңдер оқып, Желтоқсан оқиғасынан көрініс көрсетті. Шағын орталық бүлдіршіндері «Нағыз тәуелсіздікті аңсаған қазағым» көрінісін көрсетіп, көрермендер ықыласына бөленді.