№41 жалпы білім беретін орта мектебінде 06.01.2016ж. күні «Балалар арасында суицидтік мінез-құлықты болдырмаудың жолдары» тақырыбында әлеуметтік психологиялық қызмет орталығының  ұйымдастыруымен сынып жетекшілердің қатысуымен  шебер класс өтті. Суицидтің алдын алу мақсатында мектеп психологі Далдабаева Аманкуль Бейсенбековна сынып жетекшілерге теориялық және практикалық тұрғыда топтық жұмыс «Түстер бойынша пікірлесу», «Өзін-өзі жарнамалау», «Құбыр жасау»  жаттығулары, «Социометрия» сауалнама түрлерін қолданды.  Халықта «Ағаш тұзу өсу үшін оған көшет кезінде көмектесуге болады, ал үлкен ағаш болғанда оны түзете алмайсың» деп бекер айтылмаған. Сондықтан оқушының бойына ізгілік, мейірімділік, қайырымдылық, яғни адамгершілік құнды қасиеттерді сіңіріп, өз-өзіне сенімділікті тәрбиелеуде отбасы мен педагогтар шешуші роль атқарады.