Қазақстан Республикасының Президенті Н.Назарбаевтың 2015 жылғы 30 қарашадағы Қазақстан халқына Жолдауына жазба пікір

«Қазақстан жаңа жаһандықнақты ахуалда: өсім, реформалар, даму»

       Елбасы, сөз басын 2015 жылдың 16-желтоқсан күні тәуелсіздігіміздің 25-жылдығына аяқ басатындығымыздан бастады. Осы аралықтағы еліміздің бастан кешкен қиындықтармен жетістіктерімізге тоқталды. Сонымен қоса, әлемдік экономикалық дағдарыс біздің елді айналып өтпейтіндігіне баса назар аудартты.

Мемлекеттік әлеуметтік саясаттың басымдығы - адами капиталға инвестицияны дамытуға негізделеді. 

     Бұл - ең алдымен қабылданған бағдарламалар аясында білім беру, денсаулық сақтау саласын жаңғыртуды жалғастыру дегенді білдіреді.  Біз дәл осы салалардан ешқандай да үнемдемейтін боламыз. Өйткені, білім беру де, денсаулық сақтау салалары да - бұл біздің болашағымыз, бұл - біздің азаматтар. Сондықтан да, қазір, осы мінберде тұрып 2017 жылдан бастап «Жалпыға бірдей тегін кәсіби-техникалық білім беру» жаңа жобасы басталатынын жариялады.

      Елбасының айтуынша, жобаға сәйкес, мемлекет әрбір адамға жеке мамандық беруді қолға алатын болады. «Мектепті бітірген жас азамат бірінші мамандығын тегін алатын болады. Біз осыдан бастайтын боламыз. Үкімет осыған кірісуі керек. Қазақстанның жас азаматтары білімді, еңбекқор, бастамашыл болуы тиіс. Жұмыс пен сұранысы бар өңірге батылдықпен барулары керек. Егер шеберліктің шыңына жете білсеңіздер - мамандықтың бәрі жақсы. Қазір техникалық мамандықтардың, ғылым мен инновацияның күні туған заман. Ерінбей еңбек еткен адамның өмір сапасы озады, тұрмысы жақсы болады. Ең ақыры бүгінгі жасап жатқан жақсылықтарымыздың барлығы - жастар болашағы үшін», - деді Н. Назарбаев  

     Елбасы Қазақстан халқына Жолдауы барысында әлеуметтік жәрдемақы мен шәкіртақы орташа алғанда 30 пайызға дейін көбейетінін мәлім етті.               

    «Жаңа жылдан бастап бюджет қызметкерлерінің жалақысы, әлеуметтік жәрдемақы мен шәкіртақы орташа алғанда 30 пайызға дейін көбейеді. Осының барлығы халықтың болашаққа сенімін арттырады, алаңсыз өмір сүруіне толық негіз болады», - деді Президент.

     Мемлекет басшысы мемлекет қандай жағдайларда да әлеуметтік міндеттемелерін орындап келе жатқанын айта келе, «тарихымызды түгендеп, мәдениеттің өркендеуіне қолжеткіздік», - деді.

     №41 ЖББОМ ұжымы, оқушылар, ата-аналар жолдаудың жүзеге асуына жұмыс жасайды. Оқушылар сапалы білімімен, ата-аналар мектептің өркендеуіне, балаларына үлгілі тәрбие беруімен, ұстаздар қауымы жолдауды жан-жақты насихаттай отырып, заман талабына сай қызмет атқаруымен ат салысады.