№41 жалпы білім беретін орта мектебінде 15 қыркүйекте  сағат 10.00-де  Отбасы күніне орай «Бірінші сынып оқушыларының ата-аналарына психологиялық көмек» тақырыбында конференция өткізілді. Конференцияның ашылуына байланысты мектеп директоры Баймолдина Жадыра Сабыровна ата-аналарды отбасы күнімен құттықтады.  Мектеп психологы Далдабаева Аманкуль Бейсенбековна  баланы мектепте оқуға бейімдеу туралы ата-аналарға кеңестер, отбасы мен мектептің белсенді ынтымақтастығы ,  ата-аналар жіберуі мүмкін төрт маңызды қателіктер туралы кеңестер беріп бейнероликтер көрсетті. Интернет желісін қолдану, компьютер алдында шектен тыс отырудың балаға зияндылығы туралы  директордың ақпараттандыру ісі жөніндегі орынбасары Жапелова Замзагул Турбековна айтып өтті. Конференцияда ата-аналардан сауалнама алынып, жаднамалар таратылды.