Қазақстан Республикасының "Білім туралы" заңы бойынша  алты жасқа толған әрбір бала мектеп қабырғасында оқуға міндетті.

№41 жалпы білім беретін орта мектеп ұжымы 1-тамыз  30-қыркүйек аралығында өтетін «Мектепке жол» Республикалық қайырымдылық акциясына ел азаматтарын белсенді қатысуға шақырады.

 Акция мақсаты – оқумен қамтылмаған оқушыларды анықтау, аз қамтылған және көп балалы отбасыларының оқушыларына, жетім балаларға, ата-аналарының қамқорлығынсыз қалған балаларға жаңа оқу жылына дайындалуына материалдық көмек көрсету және әлеуметтік жағдайы бойынша мектепке келмеудің алдын алу.

ҚҚББ 23.07.2015. №4-1/3901 хатына сәйкес «Мектепке жол» акциясын ұйымдастырып, өткізу үшін жауапты бекітіліп, жоспары бекітілді.

Мектепте ақпараттық стенд  жасалған. Онда «Мектепке жол» акциясын жүргізуде ата-аналардың, шағын аудан тұрғындарының оқушыларға жәрдемдесуіне өтініш үндеуі орналастырылған.

Мектептің әлеуметтік-қорғалмаған балалар туралы ақпараттар банкі жаңарады.

«Балалар түнгі қалада» акциясы шеңберінде шағынауданды аралау ұйымдастырылады (компьютер клубтарын аралау т.б.)

«Қазақстан Республикасының білім беру туралы» заңын іске асыруды, оның ішінде мектеп жасындағы балаларды толық біліммен қамтылуын және Қарағанды қаласының білім бөлімінің бұйрығына сәйкес 2015 жылдың 01.08 – 30.09 күндері аралығында төмендегідей жұмыстар жүргізілді.

    Тамыздың 1 күнінен Республикалық «Мектепке жол» акциясының жоспары құрылып,  бекітілді. Акция аясында сенім телефондары, «Мектепке жол» акциясы стенді – 1, «Мектепке жол» акциясы логотипі – 50 дана №41 ЖББ орта мектебіне бөлінген шағын аудан аумағына ілінді. Мектеп маңындағы дүкендерге, сауда үйлеріне хабарландырулар таратылды.

      Демеушілеріміздің атынан мектебіміздің 3-сынып оқушысына (асыраушысынан айырылған отбасынан) қысқы шапка, спорт киімі, жейде, оқу-құрал жабдықтарымен сумка, 2-сынып оқушыларына (көп балалы отбасынан), (жалғыз басты ана тәрбиесінде) сыйлық мектепке қажетті құрал-жабдықтарымен сумка берілді.

       2015 жылдың 14 тамызында «Нұр Отан» партиясының облыстық филиалында өткен қайырымдылық акциясында «Қазақстан Республикасының Тұңғыш Президенті қоры» есебінен көп балалы отбасы тәрбиесіндегі 5-сынып оқушысына, 3-сынып оқушысына оқу-құрал жабдықтарымен рюкзак сыйға тартылды.