№41 жалпы білім беретін орта мектепте, мектеп бітіруші 11-сынып оқушыларына аттестат тапсыру салтанатты кеші 2015 жылдың

20 маусымында сағат 20.00-22.00 аралығында өтті. 42 оқушыға орта мектеп бітіру аттестаты тапсырылып, салтанатты кеште 11-сынып оқушылары ата-аналарына, ұстаздарына деген лебіздерін әнмен, бимен жеткізді. Кеш соңында  ата-аналар оқушыларға сәттілік тілеп, ұстаздарға деген алғыстарын білдірді.

     Оқушылардың денсаулығы мен өмірінің қауіпсіздігін және мектепішілік тәртіп сақтауын бақылау мақсатында мұғалімдер арасынан кезекшілік құрылып, арнайы сұраныс арқылы мектеп инспекторы және төтенше жағдайлар бөлімінен арнайы маман шақырылды. Жалпы іс-шараның өту барысы мектеп әкімшілігінің қадағалауында болды.  Салтанатты кештің өту барысында келеңсіз жағдайлар болған жоқ. Мектепішілік іс-шара жоспарға сәйкес өз деңгейінде өтті.