№ 41 жалпы білім беретін орта мектептің 13-18 сәуір аралығында  «Көктемгі қайырымдылық апталығы» акциясы барысында мектепте  жұмыс жоспары құрылып, Ұлы Отан соғысының ардагерлерін және тылда еңбек еткен майталмандардың үйіне барып, қолғабыс ету мақсатында әр сыныпқа бекітіліп берілген  болатын. Сынып жетекшілер және «өзін-өзі басқару» ұйымының ұйымдастыруымен Хрупов Петр Григорьевия, Пономарева Серафима Григорьевна, Шатилова Александра Тимофеевна, Вячинина  Екатерина Ивановна,  Жакенова Бақыт Саметована және т.б. ардагерлеріміздің үйіне барып, үй жұмысына көмектесіп, сұхбаттасып қайтты. Ардагерлеріміз өткен өмірінен қысқаша баяндап, оқушылар тарапынын қойылған  сұрақтарына жауап беріп,  соңында мектеп оқушыларына ұстаздарымызға шексіз алғыстарын  білдірді.

13-сәуір күні «Жүрек жылуы» тақырыбында саптық жиын өткізіліп, 15 сәуір күні 1-11 сыныптарда сынып сағаттары өтті. 18 сәуір күні  мектеп алаңында санитарлық тазалықты сақтау мақсатында көктемгі санитарлық тазалық айлығының бірінші сенбілігі өткізілді.Сенбілікке арнайы құрылған кесте бойынша 5-10 сынып оқушылары, ұстаздар, шағын орталықтың тәрбиешілері және шаруашылық қызметкерлер толық қатыстырылды. Мектеп маңында өскен талдар түбі қопарылып, сыланып, мектепке бекітілген алаң толық тазартылды.

  «Алтын жүрек анамыз» тақырыбында мектеп кітапханасында көрме ұйымдастырылып, 3-4 сыныптарға тәрбие сағаттары өткізілді. Дене шынықтыру пәні мұғалімдері де арнайы жоспар құрып, жоспарға сәйкес тақырыптық спорттық іс-шаралар ұйымдастырды.

     Бұл жұмыстар әліде жалғасын табады.